మారిలిన్ హాంప్టన్ 1983లో ఆబ్రే స్కూల్ డిస్ట్రిక్ట్లో ఉద్యోగంలో చేరారు.
మారిలిన్ హాంప్టన్ 1983లో ఆబ్రే స్కూల్ డిస్ట్రిక్ట్లో ఉద్యోగంలో చేరారు. తొలుత లైబ్రరీలో పనిచేయాలని భావించినా, పాఠశాల నిర్వహణ బాధ్యతలు స్వీకరించారు. దాదాపు నాలుగు దశాబ్దాల పాటు పాఠశాలలను శుభ్రంగా ఉంచడమే కాకుండా, విద్యార్థులకు అవసరమైన పుస్తకాలు, పెన్నులు, నోట్బుక్స్ వంటివి సొంత డబ్బులతో కొనిచ్చేవారు. చదువులో వెనుకబడిన పిల్లలకు సహాయం చేయడం, పరీక్షలకు సిద్ధం చేయడం, అవసరమైన వారికి భోజన డబ్బులు అందించడం వంటి సేవా కార్యక్రమాలు చేపట్టారు. విద్యార్థుల సమస్యలను తెలుసుకుని వారికి అండగా నిలిచేవారు. పాఠశాల ఫుట్బాల్ మ్యాచ్ల సమయంలో టికెట్ కౌంటర్లలోనూ పనిచేసేవారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎనిమిది మంది సంతానమున్న కుటుంబంలో పెరిగిన మారిలిన్, తన తోబుట్టువులందరిలో హైస్కూల్ విద్య పూర్తి చేసిన ఏకైక వ్యక్తి. కాలేజీ చదువు చదవలేకపోయాననే బాధ ఆమెకు ఉండేది. అయితే, పాఠశాలలో పనిచేస్తూ వేలాది మంది విద్యార్థుల జీవితాల్లో మార్పు తీసుకురావడం ద్వారా తన జీవితానికి ఒక అర్థం ఉందని ఆమె గుర్తించారు.
