అనారోగ్యంతో ఉన్న దాసరి రేణుకను పరామర్శించిన ఎమ్మెల్యే పాయం వెంకటేశ్వర్లు

భద్రాద్రి కొత్తగూడెం జిల్లా బూర్గంపహాడ్ మండలంలోని బూర్గంపాడు గ్రామానికి చెందిన దాసరి రేణుక అనారోగ్యంతో బాధపడుతున్నారని తెలుసుకున్న పినపాక ఎమ్మెల్యే, తెలంగాణ శాసనసభ ఎస్టీ సంక్షేమ కమిటీ చైర్మన్ పాయం వెంకటేశ్వర్లు ఆమె నివాసానికి వెళ్లి పరామర్శించారు.

ఈ సందర్భంగా రేణుక ఆరోగ్య పరిస్థితిని అడిగి తెలుసుకున్నారు. కుటుంబ సభ్యులతో మాట్లాడి వారికి ధైర్యం చెప్పారు. మెరుగైన వైద్యం అందించుకోవాలని, ఆరోగ్యం పట్ల తగిన జాగ్రత్తలు తీసుకోవాలని సూచించారు. అవసరమైన సమయంలో అన్ని విధాలా అండగా ఉంటానని భరోసా కల్పించారు.

ఎమ్మెల్యే భరోసా

అనారోగ్యంతో బాధపడుతున్న వారికి మనోధైర్యం కల్పించడం, ఆపద సమయంలో వారికి అండగా నిలబడటం తన బాధ్యతగా భావిస్తున్నానని ఎమ్మెల్యే పాయం వెంకటేశ్వర్లు పేర్కొన్నారు.

ఈ కార్యక్రమంలో మండల అధ్యక్షుడు పి. సుధాకర్ రెడ్డి, జిల్లా ముఖ్య నాయకులు, సర్పంచులు, ఉపసర్పంచులు, వార్డు సభ్యులు, యూత్ నాయకులు, పార్టీ నాయకులు, కార్యకర్తలు తదితరులు పాల్గొన్నారు.