ఆదిలాబాద్లోని రాజీవ్ గాంధీ ఇన్స్టిట్యూట్ ఆఫ్ మెడికల్ సైన్సెస్ (రిమ్స్)లో ఇటీవల ఐదుగురు శిశువులు మృతి చెందిన ఘటన నేపథ్యంలో తెలంగాణ ప్రభుత్వం అప్రమత్తమైంది. ఆసుపత్రిలో అత్యవసర మరమ్మతులు, పునరుద్ధరణ, మౌలిక వసతుల అభివృద్ధి కోసం రూ.11.10 కోట్ల నిధులను ప్రభుత్వం విడుదల చేసింది. రాష్ట్రంలోని అన్ని ఆసుపత్రుల్లో భద్రతా ప్రమాణాలను సమీక్షించాలని వైద్యారోగ్య శాఖ నిర్ణయించింది.
నిధుల కేటాయింపు వివరాలు
విడుదల చేసిన నిధుల్లో రూ.1 కోటిని ప్రత్యేక నవజాత శిశు సంరక్షణ విభాగం పునరుద్ధరణకు కేటాయించారు. ఆసుపత్రి భవనాల రంగులు వేయడం, మరమ్మతుల కోసం మరో రూ.1 కోటి కేటాయించారు. ఆసుపత్రి ప్రాంగణంలోని సిమెంట్ రహదారులు, దెబ్బతిన్న ప్రహరీ గోడ మరమ్మతులకు రూ.1.60 కోట్లు ఖర్చు చేయనున్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
అదేవిధంగా మరుగుదొడ్లు, స్నానపు గదుల మరమ్మతులు, నిర్వహణ కోసం రూ.5 కోట్లు కేటాయించారు. ఆసుపత్రిలోని ఆక్సిజన్ పైప్లైన్ వ్యవస్థ అత్యవసర మరమ్మతులకు రూ.1.50 కోట్లు, విద్యుత్ పనులకు మరో రూ.1 కోటి మంజూరు చేశారు.
