జపాన్లో జరుగుతున్న 2026 ఆసియా క్రీడల్లో భారత కబడ్డీ జట్లు టైటిల్ డిఫెన్స్ను ఘనంగా ప్రారంభించాయి. పురుషుల జట్టు ఆతిథ్య జపాన్పై 49-24 తేడాతో విజయం సాధించగా, మహిళల జట్టు బంగ్లాదేశ్పై 42-21తో గెలిచింది. దీంతో రెండు జట్లూ తమ తమ గ్రూప్ పోటీల్లో విజయంతో ఖాతా తెరిచాయి.
పురుషుల కబడ్డీ పోటీలో భారత్ ఆరంభం నుంచే ఆధిపత్యం ప్రదర్శించింది. తొలి అర్ధభాగం ముగిసే సమయానికి భారత్ 31-9తో భారీ ఆధిక్యంలో నిలిచింది. రైడింగ్లో అయాన్ లోచబ్, దేవాంక్ దలాల్ సమర్థంగా రాణించడంతో భారత్ పాయింట్లను సాధించింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
రెండో అర్ధభాగంలోనూ భారత ఆటగాళ్లు జోరు కొనసాగించారు. మరో 18 పాయింట్లు సాధించి మొత్తం స్కోరును 49కు చేర్చారు. భారత్ ఖాతాలో 36 ఔట్ పాయింట్లు, 8 ఆలౌట్ పాయింట్లు, 2 సూపర్ ట్యాకిల్ పాయింట్లు నమోదయ్యాయి.
