కామారెడ్డిలో గణేష్ నిమజ్జన పరిశీలించిన కలెక్టర్, ఎస్పీ

ఓల్డ్ బస్టాండ్, ఇందిరాగాంధీ చౌరస్తా, బాంబే క్లాత్, పాన్ చౌరస్తా, బడా మసీద్, రైల్వే ఫ్లైఓవర్, నిజాంసాగర్ చౌరస్తా, న్యూ బస్టాండ్ మీదుగా టేకిర్యాల్ చెరువు వరకు నిమజ్జన మార్గాన్ని సందర్శించారు. ట్రాఫిక్, రహదారులు, విద్యుత్ లైన్లు, వీధి దీపాలు, పారిశుద్ధ్యం, తాగునీరు, బారికేడ్లు, అత్యవసర మార్గాల పరిశీలించి, సమస్యలను ముందుగానే పరిష్కరించాలని అధికారులకు సూచించారు.

అధికారుల సూచనలు

కలెక్టర్ మాట్లాడుతూ, అన్ని శాఖలు సమన్వయంతో పనిచేసి భక్తులకు ఎలాంటి ఇబ్బందులు లేకుండా ఏర్పాట్లు పూర్తి చేయాలని సూచించారు. ఎస్పీ మాట్లాడుతూ, గజఈతగాళ్లు, రెస్క్యూ బృందాలు, వైద్య సిబ్బందిని సిద్ధంగా ఉంచాలని, సీసీ కెమెరాలు, డ్రోన్లతో నిరంతర నిఘా ఏర్పాటు చేస్తున్నట్లు తెలిపారు. ప్రజల భద్రత దృష్ట్యా డీజేలకు స్వస్తి పలికి, సాంప్రదాయ పద్ధతిలో ఉత్సవాలు నిర్వహించాలని కోరారు.

పాల్గొన్న అధికారులు

ఈ కార్యక్రమంలో అదనపు ఎస్పీ అడ్మిన్ కె. నరసింహారెడ్డి, డీఎస్పీ ఎస్. మధుసూదన్, టౌన్ ఎస్హెచ్ఓ బి. నరహరి, ఆర్డీఓ, మున్సిపల్ కమిషనర్, చైర్పర్సన్ తదితర అధికారులు పాల్గొన్నారు.