వెంచిర్యాల గ్రామంలో పర్యావరణ పరిరక్షణకు స్టీల్ ప్లేట్ల పంపిణీ

ముప్కాల్ మండలం వెంచిర్యాల గ్రామపంచాయతీ ప్లాస్టిక్ వినియోగాన్ని తగ్గించి, పర్యావరణ పరిరక్షణకు చర్యలు చేపట్టింది. ఇందులో భాగంగా శనివారం ఉదయం గ్రామంలో జరిగిన అన్నదాన కార్యక్రమంలో ఎంపీడీఓ బి.రమేష్, సర్పంచ్ నిమ్మల రాజామణి-శ్రీనివాస్ చేతుల మీదుగా స్టీల్ ప్లేట్లను పంపిణీ చేశారు.

గ్రామంలో జరిగే కార్యక్రమాలు, వివాహాలు, పుట్టినరోజులు, ఇతర శుభకార్యాలలో వినియోగించుకోవడానికి ఈ స్టీల్ ప్లేట్లను సమకూర్చినట్లు సర్పంచ్ తెలిపారు.

శనివారం ఉదయం దుర్గాదేవి మండపం వద్ద ఏర్పాటు చేసిన అన్నదాన సత్రంలో స్టీల్ ప్లేట్లను అందజేశారు.