దసరాకు ఊరెళ్తున్నారా ఇళ్ల భద్రతపై ఎస్పీ సూచనలు

ఇళ్లకు నాణ్యమైన తాళాలు ఏర్పాటు చేసుకోవడంతో పాటు సీసీ కెమెరాలను అమర్చుకోవాలని, ఇంటి లోపల, బయట అవసరమైన చోట్ల లైట్లు వెలిగేలా చూసుకోవాలని ఆయన సూచించారు. ప్రయాణ వివరాలను, ఇంట్లో ఎవరూ లేని విషయాన్ని సామాజిక మాధ్యమాల్లో బహిరంగంగా వెల్లడించవద్దని సూచించారు. వాహనాలను సురక్షిత ప్రదేశాల్లో పార్కింగ్ చేసి హ్యాండిల్, వీల్ లాక్లు వేయాలని ఆయన తెలిపారు. అనుమానాస్పద వ్యక్తులు లేదా కదలికలు కనిపిస్తే వెంటనే డయల్ 112కు సమాచారం అందించాలని ఆయన సూచించారు.

ప్రయాణ భద్రతకు ప్రాధాన్యం

పండుగ ప్రయాణాల్లో రహదారి భద్రతా నియమాలు తప్పనిసరిగా పాటించాలని ఆయన సూచించారు. ద్విచక్ర వాహనదారులు హెల్మెట్, కారులో ప్రయాణించేవారు సీటు బెల్టు ధరించాలని, పరిమిత వేగంతో వాహనాలు నడపాలని ఆయన తెలిపారు. మద్యం సేవించి వాహనాలు నడపరాదని, అలసటగా ఉన్నప్పుడు విశ్రాంతి తీసుకోవాలని ఆయన సూచించారు. ప్రజల ఆస్తుల రక్షణ, శాంతిభద్రతల పరిరక్షణకు పోలీసు శాఖ కట్టుబడి ఉందని, ప్రజలు పోలీసుల సూచనలు పాటించి సురక్షితంగా పండుగ జరుపుకోవాలని ఆయన విజ్ఞప్తి చేశారు.