జిల్లాలో పంచాయతీ ఎన్నికల అవగాహన కార్యక్రమాలు: పోలీసుల సూచనలు

గ్రామాల్లోని పోలింగ్ కేంద్రాలను సందర్శించి భద్రతా ఏర్పాట్లను పరిశీలించడంతో పాటు, స్థానిక ప్రజలతో సమావేశమై ఎన్నికలకు సంబంధించిన నియమ నిబంధనలు, ఎన్నికల సమయంలో పాటించాల్సిన జాగ్రత్తలు, శాంతిభద్రతల పరిరక్షణపై అవగాహన కల్పిస్తున్నారు.

ప్రతి ఒక్కరూ తమ ఓటు హక్కును స్వేచ్ఛగా వినియోగించుకోవాలని సూచిస్తున్నారు. గ్రామాల్లో ఎలాంటి గొడవలు, ఘర్షణలకు పాల్పడినా, శాంతిభద్రతలకు విఘాతం కలిగించినా చట్టప్రకారం కఠిన చర్యలు తీసుకుంటామని హెచ్చరిస్తున్నారు.

అదేవిధంగా మహిళల భద్రత, మహిళా హక్కులు, వేధింపుల నివారణ, పోలీసు సేవలు, అత్యవసర సహాయ నంబర్లపై ప్రజలకు అవగాహన కల్పిస్తున్నారు.

పంచాయతీ ఎన్నికలు ప్రశాంత వాతావరణంలో జరిగేలా ప్రజలందరూ పోలీసు శాఖకు సహకరించాలని సూచిస్తున్నారు. ఈ మేరకు జిల్లా పోలీసు కార్యాలయం, ఒక ప్రకటన విడుదల చేసింది.