అర్హులందరికీ ఉచిత న్యాయ సేవలు: కడప జిల్లా న్యాయ సేవాధికార సంస్థ

జాతీయ న్యాయ సేవా దినోత్సవాన్ని పురస్కరించుకుని నిర్వహించిన కార్యక్రమంలో ఆయన మాట్లాడుతూ, ప్రజలకు చట్టాలపై అవగాహన కల్పించడం, ఉచిత న్యాయ సహాయం అందించడం, వివాదాలను రాజీ మార్గంలో పరిష్కరించడం ద్వారా సత్వర న్యాయం అందించడమే న్యాయ సేవాధికార సంస్థ ప్రధాన ఉద్దేశ్యమని తెలిపారు.

పేదలు, మహిళలు, పిల్లలు, వృద్ధులు, దివ్యాంగులు, బలహీన వర్గాలకు ఉచిత న్యాయవాది సేవలు, న్యాయ సలహాలు, అవసరమైన న్యాయ సహాయం అందిస్తున్నట్లు వివరించారు. లోక్ అదాలత్లు, మధ్యవర్తిత్వం ద్వారా వివాదాలను త్వరితగతిన పరిష్కరించుకోవచ్చని, తద్వారా సమయం, ధనం ఆదా అవుతాయని పేర్కొన్నారు.

జిల్లా న్యాయ సేవాధికార సంస్థ అందిస్తున్న ఉచిత న్యాయ సేవలు, న్యాయ సలహాలు, ఇతర సదుపాయాలను ప్రజలందరూ సద్వినియోగం చేసుకోవాలని, న్యాయం అందరికీ చేరువ కావాలనే లక్ష్యంతో సంస్థ నిరంతరం కృషి చేస్తోందని జిల్లా ప్రధాన న్యాయమూర్తి తెలిపారు.

ప్రశంసా పత్రాల అందజేత

లీగల్ ఎయిడ్ డిఫెన్స్ కౌన్సిల్స్, ప్యానెల్ లాయర్స్, మీడియేటర్స్, పారా లీగల్ వాలంటీర్లకు ప్రశంసా పత్రాలను అందజేశారు.

అవగాహన ర్యాలీ

జాతీయ న్యాయ సేవా దినోత్సవం సందర్భంగా ప్రజల్లో న్యాయ సేవలపై అవగాహన కల్పించేందుకు కడప జిల్లా కోర్టు ప్రాంగణం నుంచి కోటిరెడ్డి సర్కిల్, సంధ్యా సర్కిల్, రాజీవ్ మార్గ్, కలెక్టర్ సుబ్రహ్మణ్యం సర్కిల్, అంబేద్కర్ సర్కిల్ మీదుగా తిరిగి జిల్లా కోర్టు ప్రాంగణం వరకు అవగాహన ర్యాలీ నిర్వహించారు.

ఈ ర్యాలీలో కడప యూనిట్ న్యాయమూర్తులు, న్యాయవాదులు, లీగల్ ఎయిడ్ డిఫెన్స్ కౌన్సిల్స్, మీడియేటర్స్, కోర్ట్ సిబ్బంది, పారా లీగల్ వాలంటీర్లు, లా కాలేజ్ విద్యార్థులు, ఇతరులు పాల్గొని ఉచిత న్యాయ సహాయం, న్యాయ హక్కులు, సత్వర న్యాయం ప్రాధాన్యతపై ప్రజలకు అవగాహన కల్పించారు.

న్యాయ సేవల కోసం 15100 టోల్ ఫ్రీ హెల్ప్లైన్ నంబర్ను సంప్రదించాలని సూచించారు.