హాంకాంగ్ ఇంటర్నేషనల్ సిక్సెస్ 2026 టోర్నమెంట్లో అఫ్గానిస్థాన్ జట్టు చరిత్ర సృష్టించింది. ఆదివారం జరిగిన ఫైనల్లో ఆస్ట్రేలియాపై నాలుగు వికెట్ల తేడాతో విజయం సాధించి తొలిసారి టైటిల్ను కైవసం చేసుకుంది. ఈ టోర్నీలో అఫ్గానిస్థాన్ రెండోసారి పాల్గొనడం, రెండోసారే టైటిల్ గెలవడం విశేషం.
మొదట బ్యాటింగ్ చేసిన ఆస్ట్రేలియా ఆరు ఓవర్లలో 5 వికెట్ల నష్టానికి 115 పరుగులు చేసింది. దీంతో అఫ్గానిస్థాన్ ముందు 116 పరుగుల లక్ష్యం నిలిచింది. లక్ష్య ఛేదనలో అఫ్గానిస్థాన్ బ్యాటర్లు దూకుడుగా ఆడారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇమ్రాన్ మీర్ అద్భుత ప్రదర్శన
ఇమ్రాన్ మీర్ కేవలం 14 బంతుల్లోనే అజేయంగా 53 పరుగులు సాధించి జట్టు విజయంలో కీలక పాత్ర పోషించాడు. అతడి ఇన్నింగ్స్లో 7 సిక్సర్లు, 2 ఫోర్లు ఉన్నాయి. ఫర్మానుల్లా సఫీ 7 బంతుల్లో అజేయంగా 26 పరుగులు చేయగా, కెప్టెన్ గుల్బదిన్ నాయిబ్ 6 బంతుల్లో 17 పరుగులు, కరీం జనత్ 5 బంతుల్లో 13 పరుగులు చేశారు. దీంతో అఫ్గానిస్థాన్ 5.1 ఓవర్లలోనే 2 వికెట్లు కోల్పోయి 119 పరుగులు చేసి విజయాన్ని అందుకుంది.
