ప్రయోగశాలల్లో తయారుచేసిన వజ్రాలతో ఆభరణాలను విక్రయించే లైమ్లైట్ ల్యాబ్ గ్రోన్ డైమండ్స్ సంస్థ దేశవ్యాప్తంగా తన వ్యాపారాన్ని విస్తరిస్తోంది. దసరా పండుగ సందర్భంగా భారత్లోని 45 నగరాల్లో 100 దుకాణాల మైలురాయిని చేరుకున్నట్లు సంస్థ ప్రకటించింది. 2027 నాటికి ఈ సంఖ్యను 200కు పెంచాలని లక్ష్యంగా పెట్టుకుంది.
ప్రధాన నగరాలతో పాటు రెండో, మూడో శ్రేణి నగరాల్లోనూ తన ఉనికిని విస్తరించేందుకు ప్రణాళికలు రూపొందిస్తోంది. మారుతున్న వినియోగదారుల అభిరుచులు, ఆధునిక డిజైన్లపై ఆసక్తి, అందుబాటు ధరల్లో వజ్రాభరణాలను కొనుగోలు చేయాలనే కోరిక ప్రయోగశాలల్లో తయారయ్యే వజ్రాల మార్కెట్కు ఊతమిస్తున్నాయని సంస్థ పేర్కొంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఉత్పత్తులు మరియు మార్కెట్
లైమ్లైట్ సంస్థ ఉంగరాలు, చెవి ఆభరణాలు, హారాలు, లాకెట్లు, బ్రేస్లెట్లు, సోలిటైర్ ఆభరణాలు వంటి విభిన్న ఉత్పత్తులను విక్రయిస్తోంది. సంప్రదాయ వజ్రాభరణాలకు ప్రత్యామ్నాయంగా ప్రయోగశాలల్లో తయారయ్యే వజ్రాలపై వినియోగదారుల్లో అవగాహన పెరుగుతోందని సంస్థ అభిప్రాయపడింది.
