గుజరాత్లోని అహ్మదాబాద్లో పాకిస్థాన్ నుంచి వలస వచ్చిన 158 మంది శరణార్థులకు భారత పౌరసత్వం లభించింది. జిల్లా యంత్రాంగం ఆధ్వర్యంలో నిర్వహించిన ప్రత్యేక కార్యక్రమంలో గుజరాత్ ఉప ముఖ్యమంత్రి హర్ష్ సంఘవి వారికి పౌరసత్వ ధ్రువపత్రాలను అందజేశారు. ఈ వివరాలు బుధవారం వెలుగులోకి వచ్చాయి.
మొత్తం 158 మందిలో 126 మందికి పౌరసత్వ సవరణ చట్టం (సీఏఏ) కింద ధ్రువపత్రాలు జారీ చేయగా, మిగిలిన 32 మందికి జిల్లా కలెక్టర్ కార్యాలయం ద్వారా పౌరసత్వం కల్పించారు. పాకిస్థాన్ నుంచి వలస వచ్చిన హిందూ, సిక్కు, జైన, బౌద్ధ మతాలకు చెందిన కుటుంబాలు ఈ లబ్ధిదారుల్లో ఉన్నాయని కథనాలు వెల్లడించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఉప ముఖ్యమంత్రి హర్ష్ సంఘవి స్పందన
కార్యక్రమంలో పాల్గొన్న గుజరాత్ ఉప ముఖ్యమంత్రి హర్ష్ సంఘవి మాట్లాడుతూ, ఇప్పటివరకు భారత పౌరసత్వం కోసం ఎదురుచూసిన కుటుంబాలకు ఈ నిర్ణయం కొత్త గుర్తింపును అందించిందని పేర్కొన్నారు. భారత పాస్పోర్టు పొందే అవకాశం కలగడం ద్వారా వారు మరింత భద్రత, గౌరవంతో జీవించగలరని అన్నారు.
