పాలస్తీనాకు మద్దతుగా జరిగిన ప్రచార కార్యక్రమంలో పాల్గొన్న ఓ పీజీ విద్యార్థిని ఇంట్లో పోలీసులు సుమారు తొమ్మిది గంటలపాటు సోదాలు నిర్వహించారని ఆమె ఆరోపించారు. ముంబైలోని బాంద్రా పోలీసుల ఉగ్రవాద నిరోధక విభాగం ఈ తనిఖీలు చేపట్టింది. ఈ ఆరోపణలపై పోలీసులు విచారణ కొనసాగిస్తున్నట్లు తెలిపారు.
విద్యార్థిని హర్షదా బోరాడే, గాజాలోని చిన్నారులకు సంఘీభావం తెలుపుతూ నిర్వహించిన గాలిపటాల కార్యక్రమంలో పాల్గొన్నట్లు సమాచారం. శుక్రవారం సాయంత్రం 5 గంటల నుంచి శనివారం తెల్లవారుజామున 3 గంటల వరకు తన ఇంట్లో పోలీసులు సోదాలు నిర్వహించారని ఆమె ఆరోపించారు. సోదాలకు ముందు ఎలాంటి న్యాయపరమైన నోటీసు లేదా వారెంట్ చూపించలేదని ఆమె పేర్కొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
సాదా దుస్తుల్లో వచ్చిన కొందరు పోలీసులు తమ గుర్తింపు కార్డులు చూపించలేదని హర్షదా ఆరోపించారు. తన నోటుపుస్తకాలు, డైరీలను పరిశీలించడంతో పాటు ఇంట్లో ఉన్న పుస్తకాల పేర్లను నమోదు చేసి, వ్యక్తిగత వస్తువులను ఫొటోలు, వీడియోలు తీశారని ఆమె తెలిపారు. ఈ ఘటనపై ఆమె ఆదివారం ఓ వీడియోను విడుదల చేసినట్లు నివేదిక పేర్కొంది.
