స్మార్ట్ఫోన్ వాడుతున్నప్పుడు మన స్క్రీన్ను పక్కన ఉన్నవారు తొంగిచూడకుండా రక్షించే సరికొత్త ఫీచర్ను షియోమీ తీసుకొస్తోంది. త్వరలో విడుదల కానున్న షియోమీ 18 ప్రో సిరీస్లో స్మార్ట్ ప్రైవసీ డిస్ప్లేను కంపెనీ అధికారికంగా వెల్లడించింది. ఈ సిరీస్ చైనాలో విడుదల కానుంది.
సాధారణ ప్రైవసీ స్క్రీన్ ప్రొటెక్టర్ల మాదిరిగా డిస్ప్లే నాణ్యతను తగ్గించకుండా ఈ టెక్నాలజీ పనిచేస్తుందని షియోమీ తెలిపింది. స్క్రీన్లో సాధారణ పిక్సెల్స్తో పాటు ప్రత్యేకంగా రూపొందించిన ప్రైవసీ పిక్సెల్స్ను అమర్చారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ప్రైవసీ మోడ్ ఆన్ చేసినప్పుడు సాధారణ పిక్సెల్స్ ఆఫ్ అవుతాయి. ప్రత్యేకమైన పిక్సెల్స్ మాత్రమే వెలుగుతాయి. ఫలితంగా ఫోన్ను నేరుగా చూసే వ్యక్తికి స్క్రీన్ స్పష్టంగా కనిపిస్తుంది. కానీ పక్క నుంచి 60 డిగ్రీలకు మించి చూస్తే స్క్రీన్ వెలుతురు దాదాపు 1 శాతానికి పడిపోతుంది. దీంతో పక్కన కూర్చున్నవారికి స్క్రీన్లోని సమాచారం దాదాపు కనిపించదు.
