పునరుత్పాదక ఇంధన రంగ సంస్థ సుజ్లాన్ ఎనర్జీ షేర్లు స్టాక్ మార్కెట్లో భారీగా పడిపోయాయి. 202627 ఆర్థిక సంవత్సరం రెండో త్రైమాసిక ఫలితాలు నిరాశపరచడంతో షేర్లు సుమారు 4 శాతం క్షీణించి, 52 వారాల కనిష్ఠ స్థాయి రూ.35.45కు చేరాయి. ఆదాయం పెరిగినా, నిర్వహణ లాభాల మార్జిన్లు తగ్గడం, నికర లాభం క్షీణించడం పెట్టుబడిదారులను ఆందోళనకు గురిచేశాయి.
సెప్టెంబర్తో ముగిసిన రెండో త్రైమాసికంలో సుజ్లాన్ ఎనర్జీ ఏకీకృత నికర లాభం గత ఏడాదితో పోలిస్తే 69 శాతం తగ్గి రూ.394 కోట్లకు పరిమితమైంది. గత ఏడాది ఇదే త్రైమాసికంలో రూ.1,279 కోట్ల లాభం నమోదైంది. అయితే, గత ఏడాది కంపెనీ రూ.891 కోట్ల వాయిదా పన్ను ప్రయోజనాన్ని ఒకేసారి గుర్తించడం వల్ల ఆ త్రైమాసికంలో లాభం ఎక్కువగా నమోదైంది. ఈ అసాధారణ ప్రయోజనాన్ని మినహాయిస్తే, ప్రస్తుత త్రైమాసికంలో నికర లాభం 1.3 శాతం పెరిగినట్లు తెలుస్తోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మరోవైపు, కార్యకలాపాల ద్వారా వచ్చిన ఆదాయం 26 శాతం పెరిగి రూ.4,869 కోట్లకు చేరింది. గత ఏడాది ఇదే కాలంలో ఈ ఆదాయం రూ.3,866 కోట్లుగా ఉంది. గాలి విద్యుత్ టర్బైన్ల సరఫరా పెరగడం ఆదాయ వృద్ధికి దోహదపడింది.
