బంగాళాఖాతంలో ఏర్పడిన తీవ్ర తుపాను మురాసు దక్షిణ ఆంధ్రప్రదేశ్ తీరానికి వేగంగా చేరుకుంటోంది. ఈ తుపాను తీరం దాటే సమయంలో గంటకు 100110 కిలోమీటర్ల వేగంతో గాలులు వీచే అవకాశం ఉందని, గరిష్ఠంగా 120 కిలోమీటర్ల వేగంతో ఈదురుగాలులు వీయవచ్చని భారత వాతావరణ శాఖ హెచ్చరించింది. అర్ధరాత్రి నుంచి తెల్లవారుజామున మధ్య తుపాను తీరం దాటే అవకాశం ఉందని అంచనా వేసింది.
మురాసు తుపాను ఒంగోలు దక్షిణ ప్రాంతానికి సమీపంలో, నెల్లూరు నుంచి నర్సాపూర్ మధ్య దక్షిణ ఆంధ్రప్రదేశ్ తీరాన్ని దాటే అవకాశం ఉందని ఐఎండీ తెలిపింది. తీరం దాటే సమయంలో బలమైన గాలులతో పాటు భారీ వర్షాలు కురిసే ప్రమాదం ఉందని పేర్కొంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భారీ వర్షాల హెచ్చరిక
తుపాను ప్రభావంతో ఆంధ్రప్రదేశ్లోని తీర ప్రాంత జిల్లాల్లో భారీ నుంచి అతిభారీ వర్షాలు కురిసే అవకాశం ఉంది. కొన్ని ప్రాంతాల్లో అత్యంత భారీ వర్షపాతం నమోదయ్యే ప్రమాదం ఉందని వాతావరణ శాఖ హెచ్చరించింది. తుపాను ప్రభావం తమిళనాడు, ఒడిశా సహా సమీప ప్రాంతాలపైనా ఉండవచ్చని అంచనా వేసింది.
