తమిళనాడులోని తిరుచ్చిలో మా కావేరి ఆసుపత్రి మహిళల ఆరోగ్యం కోసం ప్రత్యేకంగా కావేరి బ్రెస్ట్ క్లినిక్ను ప్రారంభించింది. మహిళలు తమ రొమ్ముల ఆరోగ్య సమస్యల గురించి సంకోచం లేకుండా వైద్య సేవలు పొందాలనే లక్ష్యంతో ఈ కేంద్రాన్ని ఏర్పాటు చేశారు. నటి గౌతమి ఈ క్లినిక్ను ప్రారంభించారు.
ఆసుపత్రి చేపట్టిన వాంగ అమ్మా కిట్ట పేసలాం (అమ్మా, మనం మాట్లాడుకుందాం) అవగాహన కార్యక్రమంలో భాగంగా ఈ క్లినిక్ను ప్రారంభించారు. రొమ్ములో గడ్డలు, నొప్పి, చనుమొనల నుంచి స్రావం వంటి సమస్యలు ఎదురైనప్పుడు మహిళలు వివిధ ఆసుపత్రులు, వైద్య కేంద్రాల చుట్టూ తిరగాల్సిన అవసరం లేకుండా, పరీక్షలు, చికిత్సలో జాప్యం జరగకుండా అన్ని సేవలను ఒకే చోట అందుబాటులోకి తీసుకొచ్చారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సమగ్ర వైద్య సేవలు
ఈ క్లినిక్లో బ్రెస్ట్ సర్జరీ, రేడియాలజీ, పాథాలజీ, ఆంకాలజీ, గైనకాలజీ, సైకాలజీ విభాగాలకు చెందిన మహిళా వైద్యులు, నిపుణులు సేవలందిస్తారు. రొమ్ము క్యాన్సర్ను ముందుగానే గుర్తించే పరీక్షలతో పాటు, క్యాన్సర్ కాని ఇతర రొమ్ము సమస్యలకు చికిత్స అందిస్తారు.
