బాలీవుడ్ నటి దియా మీర్జా నటించిన పర్యావరణహిత దీపావళి ప్రచార వీడియోను తొలగించడంపై బాంబే హైకోర్టు తీవ్ర అసంతృప్తి వ్యక్తం చేసింది. రాజకీయ అభ్యంతరాల నేపథ్యంలో తొలగించిన ఈ వీడియోను తిరిగి అప్లోడ్ చేయాలని కి ఆదేశాలు జారీ చేసింది. అయితే, తాజా సమాచారం ప్రకారం, అధికారులు ఇంకా ఆ వీడియోను అప్లోడ్ చేయలేదు.
దీపావళి సందర్భంగా బాణసంచా కాల్చడం వల్ల గాలి, శబ్ద కాలుష్యం పెరుగుతుందని ప్రజలకు అవగాహన కల్పించే ఉద్దేశంతో ముంబై మున్సిపల్ కార్పొరేషన్ () ఈ ప్రచార వీడియోను రూపొందించింది. ఇందులో దియా మీర్జా ప్రజలు శబ్దం, గాలి కాలుష్యాన్ని తగ్గించి పండుగ జరుపుకోవాలని విజ్ఞప్తి చేశారు. ఈ వీడియోను రాజకీయ అభ్యంతరాల నేపథ్యంలో తన సోషల్ మీడియా ఖాతాల నుంచి తొలగించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బీజేపీ, మేయర్ అభ్యంతరాలు
ముంబై బీజేపీ అధ్యక్షుడు, ఎమ్మెల్యే అమిత్ సతమ్, ముంబై మేయర్ రీతూ తావ్డేలు దియా మీర్జాను ప్రచారంలో భాగం చేయడంపై అభ్యంతరాలు వ్యక్తం చేశారు. అయితే, మాధురీ దీక్షిత్, క్రికెటర్ అజింక్య రహానే తదితరులు పాల్గొన్న ఇతర ప్రచార వీడియోలు మాత్రం ఖాతాల్లో కొనసాగాయి. తాను ఈ ప్రచారానికి ఎలాంటి పారితోషికం తీసుకోలేదని దియా మీర్జా సోషల్ మీడియాలో స్పందించారు.
