ఆంధ్రప్రదేశ్లో పట్టణ స్థానిక సంస్థల ఎన్నికల ఫలితాలు వెలువడుతున్న వేళ అధికార కూటమి, ప్రతిపక్ష వైఎస్సార్ కాంగ్రెస్ పార్టీ మధ్య రాజకీయ విమర్శలు తీవ్రమయ్యాయి. ఎన్నికల ప్రక్రియలో అక్రమాలు జరిగాయని వైసీపీ ఆరోపిస్తుండగా, ఓటమి భయంతోనే ఆ పార్టీ నేతలు నాటకాలు ఆడుతున్నారని టీడీపీ నేతలు విమర్శిస్తున్నారు.
రాష్ట్రవ్యాప్తంగా 92 పట్టణ స్థానిక సంస్థల్లో ఎన్నికలు జరిగాయి. ఇందులో 13 మున్సిపల్ కార్పొరేషన్లు, 73 మున్సిపాలిటీలు, ఆరు నగర పంచాయతీలు ఉన్నాయి. పోలింగ్ సందర్భంగా పలుచోట్ల టీడీపీ, వైసీపీ కార్యకర్తల మధ్య ఘర్షణలు చోటుచేసుకున్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పులివెందులలో పోలింగ్ ఏజెంట్ల వివాదం
ముఖ్యంగా జిల్లా పులివెందులలో పోలింగ్ ఏజెంట్లను పోలింగ్ కేంద్రాల్లోకి అనుమతించలేదని వైసీపీ అధినేత వైఎస్ జగన్మోహన్రెడ్డి ఆరోపించారు. మొత్తం 80 పోలింగ్ కేంద్రాల్లో కేవలం 10 కేంద్రాల్లోనే తమ ఏజెంట్లను అనుమతించారని, మిగిలిన చోట్ల అడ్డుకున్నారని పేర్కొన్నారు. దీనిపై రిటర్నింగ్ అధికారి కార్యాలయం ఎదుట వైసీపీ నాయకులు నిరసన తెలిపారు. అన్ని కేంద్రాల్లోనూ రీపోలింగ్ నిర్వహించాలని కోరారు.
