ఓటరు జాబితా సవరణ కేంద్రాలను పరిశీలించిన ఇంచార్జ్ ఇంచార్జ్ కలెక్టర్ ప్రతిమా సింగ్

ఓటర్లకు సూచనలు

ఎస్ఐఆర్ ప్రక్రియలో భాగంగా నోటీసులు అందుకున్న ఓటర్లు నిర్ణీత గడువులోగా సంబంధిత ధృవపత్రాలను హియరింగ్ కేంద్రంలో తప్పనిసరిగా సమర్పించాలని జిల్లా ఇన్చార్జ్ కలెక్టర్ ప్రతిమా సింగ్ సూచించారు. ఓటర్లు ఎటువంటి ఇబ్బందులు లేకుండా తమ అభ్యంతరాలు, ఆధారాలను సమర్పించేలా అధికారులు అవసరమైన ఏర్పాట్లు చేయాలని ఆదేశించారు.

ప్రచారంపై దృష్టి

హియరింగ్ తేదీలపై ఓటర్లకు ముందస్తుగా సమాచారం అందేలా అన్ని మండలాల తహసీల్దార్లు సంబంధిత గ్రామాల్లో దండోరా వేయించి విస్తృతంగా అవగాహన కల్పించాలని ఆదేశించారు. హియరింగ్ ప్రక్రియ పారదర్శకంగా, నిబంధనల ప్రకారం నిర్వహించాలని అధికారులకు సూచించారు.

తనిఖీలో పాల్గొన్నవారు

ఈ తనిఖీలో ఎల్లారెడ్డి ఆర్డీవో రొడ్డ ప్రభాకర్, మున్సిపల్ కమిషనర్, గాంధారి తహసీల్దార్, సంబంధిత సూపర్వైజర్లు, బూత్ స్థాయి అధికారులు తదితరులు పాల్గొన్నారు.