హైదరాబాద్ నగరంలోని పలు ప్రాంతాల్లో రాబోయే 36 గంటల పాటు తాగునీటి సరఫరాకు అంతరాయం కలగనుంది. కృష్ణా తాగునీటి సరఫరా పథకం రెండో దశలో చేపడుతున్న మరమ్మతు పనుల కారణంగా ఈ అంతరాయం ఏర్పడుతుందని జలమండలి అధికారులు తెలిపారు.
నగరంలోని పలు ప్రాంతాల ప్రజలకు జలమండలి కీలక సూచన చేసింది. కృష్ణా తాగునీటి సరఫరా పథకం రెండో దశలో చేపడుతున్న మరమ్మతు పనుల కారణంగా, ఉదయం 6 గంటల నుంచి సాయంత్రం 6 గంటల వరకు 36 గంటల పాటు పలు ప్రాంతాల్లో తాగునీటి సరఫరాకు అంతరాయం ఏర్పడనుంది. కొన్ని ప్రాంతాల్లో పూర్తిగా లేదా పాక్షికంగా నీటి సరఫరా నిలిచిపోగా, మరికొన్ని ప్రాంతాల్లో తక్కువ ఒత్తిడితో నీరు సరఫరా అయ్యే అవకాశం ఉందని అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మరమ్మతు పనులు
కృష్ణా తాగునీటి సరఫరా పథకం రెండో దశలో భాగంగా నాసర్లపల్లిగోడకొండ్ల మధ్య ఉన్న 2,375 మిల్లీమీటర్ల వ్యాసం కలిగిన ఎంఎస్ పంపింగ్ మెయిన్పై మరమ్మతులు చేపట్టనున్నారు. దెబ్బతిన్న ఎంఎస్ ఎయిర్ టీలు, వాల్వ్లను మార్చడంతో పాటు స్కవర్ పైప్లైన్లో ఉన్న లీకేజీని కూడా సరిచేయనున్నారు.
