ఇథియోపియన్ ఎయిర్లైన్స్కు చెందిన కార్గో విమానాన్ని ఇజ్రాయెల్ అధికారులు వెనక్కి మళ్లించారు. విమానంలో ఇండోనేషియా పౌరసత్వం కలిగిన పైలట్ ఉన్నట్లు గుర్తించడంతో, ఇజ్రాయెల్లో దిగేందుకు అనుమతి నిరాకరించారు. దీంతో విమానం గాల్లోకి ఎగిరిన గంట తర్వాత అడిస్ అబాబాకు తిరిగి వెళ్లాల్సి వచ్చింది.
అడిస్ అబాబా నుంచి ఇజ్రాయెల్లోని టెల్ అవీవ్కు బయలుదేరిన కార్గో విమానానికి సంబంధించిన సిబ్బంది వివరాలు విమానం బయలుదేరిన తర్వాతే ఇజ్రాయెల్ అధికారులకు చేరాయి. వాటిని పరిశీలించిన సమయంలో పైలట్లలో ఒకరు ఇండోనేషియా పౌరుడని గుర్తించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇజ్రాయెల్, ఇండోనేషియా దేశాల మధ్య అధికారిక దౌత్య సంబంధాలు లేవు. ఈ నేపథ్యంలో కొన్ని దేశాల పౌరులు తమ దేశానికి వెళ్లే విమానాల్లో పైలట్లుగా విధులు నిర్వహించడంపై ఇజ్రాయెల్ భద్రతా అధికారులు ఆంక్షలు విధించినట్లు వార్తా కథనాలు తెలిపాయి. ఆ నిబంధనల ప్రకారం విమానానికి దిగేందుకు అనుమతి నిరాకరించారు.
