లడఖ్ ప్రాంతంలో మౌలిక సదుపాయాలను మరింత బలోపేతం చేసే దిశగా కేంద్ర ప్రభుత్వం పలు అభివృద్ధి ప్రాజెక్టులను చేపట్టింది. ఇందులో భాగంగా ప్రధానమంత్రి నరేంద్ర మోదీ సుమారు రూ.3,350 కోట్ల విలువైన ప్రాజెక్టులను ప్రారంభించి, మరికొన్నింటిని జాతికి అంకితం చేశారు. విమాన ప్రయాణాలు, రహదారి అనుసంధానం, విద్యుత్ సరఫరా, సాగునీటి సదుపాయాలు, చారిత్రక సంపద పరిరక్షణకు ఈ ప్రాజెక్టుల్లో ప్రాధాన్యం కల్పించారు.
లేహ్లోని కుషోక్ బకులా రింపోచీ విమానాశ్రయంలో కొత్త ప్రయాణికుల టెర్మినల్ను ఏర్పాటు చేశారు. సుమారు రూ.640 కోట్లతో నిర్మించిన ఈ భవనం 23,800 చదరపు మీటర్ల విస్తీర్ణంలో ఉంది. ఏడాదికి 35 లక్షల మంది ప్రయాణికులకు సేవలు అందించే సామర్థ్యంతో దీనిని రూపొందించారు. లడఖ్ సంప్రదాయ నిర్మాణ శైలిని ఆధునిక సాంకేతికతతో కలిపి నిర్మించిన ఈ టెర్మినల్ వల్ల పర్యాటకులకు మెరుగైన సౌకర్యాలు అందనున్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రవాణా, రక్షణకు ఉపయోగపడే రహదారి
నిమ్మూపదుమ్దార్చా మార్గం లడఖ్ను హిమాచల్ప్రదేశ్తో అనుసంధానించే కీలక రహదారి. సుమారు 298 కిలోమీటర్ల పొడవున్న ఈ మార్గం వల్ల ప్రయాణ సమయం తగ్గడంతోపాటు మారుమూల ప్రాంతాలకు రవాణా సౌకర్యాలు మెరుగుపడే అవకాశం ఉంది. సైనిక దళాలు, అత్యవసర సరఫరాల తరలింపునకు కూడా ఈ మార్గం ఉపయోగపడుతుంది. స్థానిక ప్రజలకు వైద్యం, విద్య, వ్యాపార సేవలను చేరుకోవడం సులభతరం కానుంది.
