సరంపల్లి వార్డులో సీసీటీవీ కెమెరాల ప్రారంభం

కామారెడ్డి, 9 September

ప్రజల భద్రతను మరింత బలోపేతం చేసే లక్ష్యంతో కామారెడ్డి జిల్లాలోని సరంపల్లి వార్డులో ఏడు సీసీటీవీ కెమెరాలను ఏర్పాటు చేశారు. ఈ కెమెరాలను కామారెడ్డి రూరల్ సీఐ శ్రీధర్ గౌడ్ అధికారికంగా ప్రారంభించారు.

సరంపల్లి వార్డులో సీసీటీవీ కెమెరాల ప్రారంభం సరంపల్లి వార్డులో ప్రజల భద్రతను మరింత బలోపేతం చేసే లక్ష్యంతో కౌన్సిలర్ గంగాధర్ సహకారంతో ఏడు సీసీటీవీ కెమెరాలను ఏర్పాటు చేశారు. ఈ సీసీటీవీ కెమెరాలను కామారెడ్డి రూరల్ సీఐ శ్రీధర్ గౌడ్ ప్రారంభించారు. ఈ సందర్భంగా సీఐ శ్రీధర్ గౌడ్ మాట్లాడుతూ, సీసీటీవీ కెమెరాలు నేరాల నివారణతో పాటు ప్రజల భద్రత, శాంతిభద్రతల పరిరక్షణలో కీలక పాత్ర పోషిస్తాయని తెలిపారు. ప్రజలు కూడా పోలీసు శాఖకు సహకరిస్తూ భద్రతా చర్యల్లో భాగస్వాములు కావాలని సూచించారు. ఈ కార్యక్రమంలో దేవనపల్లి ఎస్‌ఐ రంజిత్, కౌన్సిలర్ గంగాధర్, గ్రామ పెద్దలు, స్థానిక ప్రజాప్రతినిధులు పాల్గొన్నారు.