సౌదీ అరేబియాలోని దమ్మామ్లో ఉన్న కింగ్ ఫహద్ అంతర్జాతీయ విమానాశ్రయంపై రాత్రి జరిగిన దాడిలో ఒక భారతీయుడు ప్రాణాలు కోల్పోయాడు. మరో ఇద్దరు భారతీయులు గాయపడ్డారు. ఈ ఘటనలో మొత్తం ఇద్దరు మరణించగా, ఎనిమిది మంది గాయపడినట్లు సౌదీ అధికారులు వెల్లడించారు.
సౌదీ అరేబియా పౌర విమానయాన సంస్థ వెల్లడించిన వివరాల ప్రకారం, ఈ ఘటనలో గాయపడిన ఎనిమిది మందిలో ఇద్దరు భారతీయులు, ఇద్దరు యెమెన్ పౌరులు, ఇద్దరు బంగ్లాదేశీయులు, ఒక నేపాల్ పౌరుడు, ఒక సౌదీ పౌరుడు ఉన్నారు. గాయపడిన వారిలో కొందరి పరిస్థితి విషమంగా ఉన్నట్లు అధికారులు తెలిపారు. విమానాశ్రయంలో కార్యకలాపాలు తిరిగి సాధారణ స్థితికి వచ్చినట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భారత ప్రభుత్వం స్పందన
ఈ దాడిని భారత విదేశాంగ మంత్రిత్వ శాఖ తీవ్రంగా ఖండించింది. పౌరులు, కీలక మౌలిక సదుపాయాలపై దాడులు పూర్తిగా ఆమోదయోగ్యం కాదని పేర్కొంది. మృతుడి కుటుంబానికి ప్రగాఢ సానుభూతి తెలిపింది. గాయపడిన వారికి అవసరమైన సహాయం అందించేందుకు రియాద్లోని భారత రాయబార కార్యాలయం సౌదీ అధికారులతో సంప్రదింపులు జరుపుతోందని వెల్లడించింది.
