రిటైర్మెంట్ తర్వాత ఆర్థిక భద్రత కోరుకునే సీనియర్ సిటిజన్లకు బ్యాంకుల ఫిక్స్డ్ డిపాజిట్లు (ఎఫ్డీ) మంచి పెట్టుబడి మార్గంగా నిలుస్తున్నాయి. ప్రస్తుతం పలు బ్యాంకులు సీనియర్ సిటిజన్లకు సాధారణ ఖాతాదారుల కంటే అదనపు వడ్డీని అందిస్తున్నాయి. కొన్ని బ్యాంకులు ఈ వడ్డీ రేటును ఏడాదికి 7.95 శాతం వరకు అందిస్తున్నాయి.
రిటైర్మెంట్ తర్వాత చేతిలో ఉన్న డబ్బును భద్రంగా ఉంచడంతోపాటు ప్రతి నెలా కొంత ఆదాయం పొందాలని చాలామంది సీనియర్ సిటిజన్లు భావిస్తుంటారు. అలాంటి వారికి బ్యాంకుల ఫిక్స్డ్ డిపాజిట్లు (ఎఫ్డీ) మంచి పెట్టుబడి మార్గంగా ఉన్నాయి. ప్రస్తుతం పలు బ్యాంకులు సాధారణ ఖాతాదారులతో పోలిస్తే సీనియర్ సిటిజన్లకు అదనపు వడ్డీని అందిస్తున్నాయి. కొన్ని బ్యాంకుల్లో ఈ వడ్డీ రేటు ఏడాదికి 7.95 శాతం వరకు ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఏ బ్యాంకులో ఎంత వడ్డీ
ప్రస్తుతం అందుబాటులో ఉన్న వడ్డీ రేట్ల ప్రకారం కొన్ని ప్రముఖ బ్యాంకులు సీనియర్ సిటిజన్లకు అందిస్తున్న గరిష్ఠ వడ్డీ రేట్లు ఇలా ఉన్నాయి. బంధన్ బ్యాంక్ 7.95, ఇండస్ఇండ్ బ్యాంక్ 7.85, యెస్ బ్యాంక్ 7.75, ధనలక్ష్మి బ్యాంక్ 7.75, ఐడీఎఫ్సీ ఫస్ట్ బ్యాంక్ 7.50, బ్యాంక్ ఆఫ్ ఇండియా 7.55, పంజాబ్ అండ్ సింధ్ బ్యాంక్ 7.35, ఐసీఐసీఐ బ్యాంక్ 7.20, హెచ్డీఎఫ్సీ బ్యాంక్ 7.10, స్టేట్ బ్యాంక్ ఆఫ్ ఇండియా 7.05 వడ్డీని అందిస్తున్నాయి. ఈ వడ్డీ రేట్లు బ్యాంకు, డిపాజిట్ కాలపరిమితిని బట్టి మారుతుంటాయి.
