ఐసీసీ నిబంధనల ప్రకారం తప్పనిసరిగా ఆడాల్సిన మ్యాచ్లకు మాత్రం స్కాట్లాండ్ జట్టు హాజరవుతుంది. క్రికెట్ స్కాట్లాండ్ తన నిర్ణయాన్ని పురుష, మహిళా జట్లకు చెందిన కాంట్రాక్టు ఆటగాళ్లకు తెలియజేసింది. అఫ్గానిస్థాన్ క్రికెట్ బోర్డుతో తమ సంబంధాలపై సమీక్ష నిర్వహించిన అనంతరం ఈ విధానాన్ని ప్రకటించింది.
గతంలో అఫ్గానిస్థాన్ క్రికెట్ బోర్డు ఐర్లాండ్ పర్యటనకు ముందు స్కాట్లాండ్లో శిక్షణా సదుపాయాలు కల్పించాలని కోరింది. అలాగే అఫ్గానిస్థాన్ ప్రీమియర్ లీగ్ టీ20లో స్కాట్లాండ్ ఆటగాళ్లు పాల్గొనే అవకాశాలపైనా సంప్రదింపులు జరిగాయి. ఈ పరిణామాల నేపథ్యంలో స్కాట్లాండ్ బోర్డు తన వైఖరిని స్పష్టం చేసింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మహిళా క్రికెట్ అభివృద్ధి, బాలికలకు క్రీడల్లో అవకాశాలు కల్పించడం తమ ప్రాధాన్యతలని క్రికెట్ స్కాట్లాండ్ పేర్కొంది. అఫ్గానిస్థాన్లో మహిళలు, బాలికలపై కొనసాగుతున్న ఆంక్షలు, మానవ హక్కుల పరిస్థితులను దృష్టిలో ఉంచుకుని ఈ నిర్ణయం తీసుకున్నట్లు తెలిపింది. మహిళా క్రికెట్ పరిస్థితుల్లో లేదా మానవ హక్కులకు సంబంధించిన అంశాల్లో గణనీయమైన మార్పు వస్తేనే ద్వైపాక్షిక క్రికెట్పై తమ నిర్ణయాన్ని పునఃపరిశీలిస్తామని వెల్లడించింది.
