తమిళనాడులో ప్రభుత్వ రంగ సంస్థల్లో పనిచేస్తున్న ఉద్యోగులకు దీపావళి బోనస్ ప్రకటించకపోవడంపై పట్టాళి మక్కల్ కచ్చి (పీఎంకే) అధ్యక్షుడు అన్బుమణి రామదాస్ రాష్ట్ర ప్రభుత్వాన్ని ప్రశ్నించారు. పండుగకు కేవలం 23 రోజులే మిగిలి ఉన్నా, బోనస్పై ప్రభుత్వం నుంచి స్పష్టమైన ప్రకటన రాలేదని ఆయన అసంతృప్తి వ్యక్తం చేశారు.
2028న దీపావళి జరగనుండగా, ఉద్యోగులకు ముందుగానే బోనస్ అందేలా చర్యలు తీసుకోవాలని ఆయన డిమాండ్ చేశారు. తమిళనాడు విద్యుత్ బోర్డు, ప్రభుత్వ రవాణా సంస్థలు, రాష్ట్ర పౌర సరఫరాల సంస్థ, ఆవిన్ వంటి ప్రభుత్వ రంగ సంస్థల్లోని సి, డి కేటగిరీ ఉద్యోగులకు గతంలో గరిష్ఠంగా 20 శాతం వరకు బోనస్, ఇతర ప్రయోజనాలు అందించినట్లు అన్బుమణి పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బోనస్పై అన్బుమణి డిమాండ్లు
ఇతర ప్రభుత్వ రంగ సంస్థల్లో ఆర్థిక పరిస్థితిని బట్టి 8.33 శాతం నుంచి 10 శాతం వరకు బోనస్ ఇస్తున్నారని, అయితే ఈ విధానం వల్ల ఉద్యోగులకు అందే వాస్తవ మొత్తం పరిమితంగానే ఉంటోందని ఆయన అభిప్రాయపడ్డారు. ధరల పెరుగుదల నేపథ్యంలో ప్రస్తుత బోనస్ సరిపోవడం లేదని, ప్రభుత్వ రంగ సంస్థల్లో పనిచేస్తున్న శాశ్వత, తాత్కాలిక, ఇతర కేటగిరీల ఉద్యోగులందరికీ తేడా లేకుండా 30 శాతం దీపావళి బోనస్ ఇవ్వాలని కోరారు.
