భారత ఎడమచేతి వాటం ఫాస్ట్ బౌలర్ అర్ష్దీప్ సింగ్ అంతర్జాతీయ టీ20ల్లో అరుదైన ఘనత సాధించాడు. పవర్ప్లే ఓవర్లలో అత్యధిక వికెట్లు తీసిన బౌలర్ల జాబితాలో న్యూజిలాండ్ మాజీ పేసర్ టిమ్ సౌథీ రికార్డును సమం చేశాడు. ఈ ఘనతతో తన బౌలింగ్ సామర్థ్యాన్ని మరోసారి చాటుకున్నాడు.
న్యూజిలాండ్తో హామిల్టన్లోని సెడ్డన్ పార్క్ వేదికగా జరిగిన ఐదో టీ20 మ్యాచ్లో అర్ష్దీప్ ఈ ఘనత సాధించాడు. న్యూజిలాండ్ ఇన్నింగ్స్ రెండో ఓవర్లో ఓపెనర్ ఫిన్ అలెన్ను పెవిలియన్కు పంపాడు. అర్ష్దీప్ వేసిన షార్ట్ లెంగ్త్ బంతిని అలెన్ పుల్ షాట్ ఆడేందుకు ప్రయత్నించగా బ్యాట్ పైభాగానికి తగిలి బంతి గాల్లోకి లేచింది. మిడ్వికెట్లో ఉన్న ఇషాన్ కిషన్ క్యాచ్ అందుకోవడంతో అలెన్ రెండు పరుగులకే ఔటయ్యాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ వికెట్తో పవర్ప్లేలో అర్ష్దీప్ వికెట్ల సంఖ్య 65కు చేరింది. టిమ్ సౌథీ కూడా టీ20 అంతర్జాతీయ క్రికెట్లో పవర్ప్లేలో 65 వికెట్లు సాధించాడు. అయితే ఈ మైలురాయిని అర్ష్దీప్ 99 ఇన్నింగ్స్ల్లోనే చేరుకోగా సౌథీకి 119 ఇన్నింగ్స్లు అవసరమయ్యాయి. ఇది అర్ష్దీప్ బౌలింగ్ సామర్థ్యానికి నిదర్శనం.
