విజయవాడలోని రాష్ట్ర ఎన్నికల సంఘం (ఎస్ఈసీ) కార్యాలయం వద్ద నిరసన తెలిపిన వైఎస్సార్సీపీ నాయకులపై పోలీసులు కేసులు నమోదు చేశారు. ఎస్ఈసీ కార్యాలయ ప్రాంగణంలో ఆందోళన నిర్వహించిన 14 మంది వైఎస్సార్సీపీ నేతలపై కేసులు నమోదైనట్లు సమాచారం.
ఎస్ఈసీ జాయింట్ డైరెక్టర్ రామారావు ఇచ్చిన ఫిర్యాదు ఆధారంగా సూర్యారావుపేట పోలీసులు ఈ కేసులను నమోదు చేశారు. నిరసన సందర్భంగా కార్యాలయ ప్రాంగణంలో ఆందోళన నిర్వహించిన అంశంపై పోలీసులు చర్యలు చేపట్టారు. ఈ వ్యవహారంపై తదుపరి దర్యాప్తు కొనసాగుతోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎన్నికల అక్రమాలపై వైఎస్సార్సీపీ నిరసన
మున్సిపల్ ఎన్నికల సందర్భంగా పలు ప్రాంతాల్లో అక్రమాలు, దాడులు, ఓటర్లను అడ్డుకోవడం వంటి ఘటనలు చోటుచేసుకున్నాయని వైఎస్సార్సీపీ నాయకులు ఆరోపిస్తున్నారు. ఈ అంశాలపై ఎస్ఈసీ జోక్యం చేసుకోవాలని కోరుతూ విజయవాడలోని ఎన్నికల సంఘం కార్యాలయం ఎదుట నిరసన చేపట్టారు.
