అధిక లాభాల ఆశ చూపిస్తూ ఓ మొబైల్ యాప్ దేశవ్యాప్తంగా లక్షలాది మందిని మోసం చేసిన ఘటన వెలుగులోకి వచ్చింది. గుజరాత్కు చెందిన ఎస్డీ పే ( ) డిజిటల్ వాలెట్ యాప్ ద్వారా సుమారు రూ.1,200 కోట్లకు పైగా ఆర్థిక లావాదేవీలు జరిగినట్లు పోలీసుల దర్యాప్తులో వెల్లడైంది. రోజువారీ వడ్డీ, క్యాష్బ్యాక్, ఇతరులను యాప్లో చేరిస్తే భారీ కమీషన్లు ఇస్తామంటూ నిర్వాహకులు పెట్టుబడిదారులను ఆకర్షించినట్లు అధికారులు గుర్తించారు.
ధవల్ పటేల్ అనే వ్యక్తి 2024లో ఈ యాప్ను ప్రారంభించినట్లు దర్యాప్తులో వెల్లడైంది. తొలుత మొబైల్ రీఛార్జీలు, బిల్లుల చెల్లింపుల కోసం డిజిటల్ వాలెట్గా ప్రచారం చేసిన ఈ యాప్, అనంతరం పెట్టుబడులపై రోజుకు 0.15 శాతం నుంచి 0.30 శాతం వరకు వడ్డీ ఇస్తామని ప్రకటించింది. ఈ ఆఫర్లతో పెద్ద సంఖ్యలో ప్రజలు పెట్టుబడులు పెట్టారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
యాప్లో కొత్తగా చేరిన వారిని మరింత మందిని చేర్చేలా ప్రోత్సహించేందుకు రెఫరల్ క్యాష్బ్యాక్ పథకాన్ని ప్రవేశపెట్టారు. మొదటి స్థాయిలో కొత్త సభ్యులను చేర్చిన వారికి 30 శాతం వరకు, 10 నుంచి 15వ స్థాయిలో ఉన్నవారికి 3 శాతం వరకు కమీషన్ ఇస్తామని ఆశ చూపించారు. సెమినార్లు, ఆన్లైన్ సమావేశాలు, ప్రచార కార్యక్రమాల ద్వారా ఈ పథకాన్ని విస్తరించినట్లు పోలీసులు గుర్తించారు.
