హైదరాబాద్లోని నిజాం ఇన్స్టిట్యూట్ ఆఫ్ మెడికల్ సైన్సెస్ (నిమ్స్)లో పనిచేసి రిటైర్ అయిన ప్రొఫెసర్ డాక్టర్ మంతా శ్రీనివాస్కు దాదాపు 12 ఏళ్లుగా పెన్షన్ ప్రయోజనాలు చెల్లించకపోవడంపై తెలంగాణ మానవ హక్కుల కమిషన్ తీవ్ర ఆగ్రహం వ్యక్తం చేసింది. నిమ్స్ అధికారులు వెంటనే స్పందించి, మూడు వారాల్లోగా పెన్షన్ బకాయిలను విడుదల చేయాలని ఆదేశించింది.
నిమ్స్లో అనస్థీషియాలజీ విభాగంలో పనిచేసిన రిటైర్డ్ ప్రొఫెసర్ డాక్టర్ మంతా శ్రీనివాస్ 2013లో స్వచ్ఛంద పదవీ విరమణ పొందారు. ఆయన పదవీ విరమణ ప్రయోజనాలను విడుదల చేయాలని తెలంగాణ ప్రభుత్వం 2013లోనే ఆదేశాలు జారీ చేసినప్పటికీ, ఇప్పటివరకు బకాయిలు చెల్లించలేదని కమిషన్ తన విచారణలో గుర్తించింది. ఇంత సుదీర్ఘకాలం పెన్షన్ ప్రయోజనాలను పెండింగ్లో ఉంచడంపై కమిషన్ తీవ్ర అభ్యంతరం వ్యక్తం చేసింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పెన్షన్ అనేది ఉద్యోగి తన సేవల ద్వారా సంపాదించుకున్న హక్కు అని, పదవీ విరమణ అనంతరం ఆర్థిక భద్రతతో పాటు గౌరవప్రదమైన జీవితం కొనసాగించేందుకు అది కీలకమని కమిషన్ పేర్కొంది. ఈ నేపథ్యంలో డాక్టర్ శ్రీనివాస్కు చెల్లించాల్సిన మొత్తం పెన్షన్ ప్రయోజనాలను వ్యక్తిగతంగా పర్యవేక్షించి, మూడు వారాల గడువులోగా విడుదల చేయాలని నిమ్స్ డైరెక్టర్ను ఆదేశించింది.
