బీప్రజావసరాలయనర్ఎస్ మహాధర్నాలో 23న ప్రజా తీసుకువచ్చామని

మున్సిపాలిటీకి ప్రజల సౌకర్యార్థం తీసుకువచ్చిన వైకుంఠ రథం నేడు మూలన పడిపోయిందని, దాని టైర్లు, ఇంజన్లు అమ్ముకున్నారా అనే అనుమానం ప్రజలలో ఉందని, లేకపోతే ఎందుకు నిరుపయోగంగా మార్చారనే పరిస్థితి నెలకొందని రేగా కాంతారావు ఆరోపించారు. ప్రజలకు ఉపయోగపడాల్సిన వాహనాన్ని సైతం కాపాడుకోలేని దుస్థితిలో మున్సిపల్ పాలన ఉండటం బాధాకరం, దుర్మార్గమని ఆయన అన్నారు.

సెంట్రల్ డివైడర్లపై మొక్కల తొలగింపుపై విమర్శలు

మణుగూరు పట్టణంలోని సెంట్రల్ డివైడర్లపై పచ్చదనం కోసం బీఆర్ఎస్ హయాంలో అందంగా మొక్కలు నాటించామని, కానీ ప్రస్తుత ఎమ్మెల్యే గెలిచిన వెంటనే వాటిని శాస్త్రీయ కారణం లేకుండా తొలగించి కొత్తగా పూల మొక్కలు నాటించారని తెలిపారు. వాటిని నాటిన రోజున నీళ్లు పోయడం మినహా, నేటివరకు వాటి నిర్వహణను పట్టించుకున్న నాథుడే లేడని, మొక్కలు పెరిగి రోడ్డుపై వెళ్లే వాహనదారుల ముఖాలకు తగిలి గాయాలవుతున్నా, వాటిని కత్తిరించి అందంగా ప్రజల సౌకర్యార్థం ఉంచాలనే కనీస బాధ్యత కూడా మున్సిపల్ అధికారులకు లేకపోవడం దురదృష్టకరమని, స్థానిక ఎమ్మెల్యే సుపరిపాలన ఎలా ఉందో మనం అర్థం చేసుకోవాలని ఆయన అన్నారు.

రోడ్ల శుభ్రత యంత్రాల దుస్థితి

హైదరాబాద్ వంటి మహానగరాల్లో రోడ్లను శుభ్రం చేసే అత్యాధునిక యంత్రాలను మణుగూరుకు తీసుకువచ్చి ప్రారంభించిన ఘనత తమదని, కానీ ప్రస్తుత ఎమ్మెల్యే గెలిచిన తర్వాత ఆ యంత్రాలను పట్టించుకోకుండా, వాటి టైర్లు, ఇంజన్లను సైతం అమ్ముకొని మూలన పడేశారని ప్రజలు గుసగుసలాడుకుంటున్నా, స్థానిక ఎమ్మెల్యే స్పందించని పరిస్థితి నెలకొందని రేగా కాంతారావు ఆరోపించారు. ప్రజల అవసరాల కోసం తీసుకువచ్చిన యంత్రాలను వినియోగించకుండా నిరుపయోగంగా మార్చడం ప్రజాధనాన్ని వృథా చేయడమేనని ఆయన అన్నారు.

ప్రధాన రహదారి గుండా వెళ్లే బొగ్గు, ఇసుక లారీల వలన వచ్చే దుమ్ము వల్ల మోటార్ సైకిళ్లపై తిరిగే ప్రజలకు తెలుసు. కార్లలో తిరిగే ఎమ్మెల్యే ఒకసారి రోడ్డుపై నడిస్తే ప్రజల బాధ అర్థమవుతుందని ఆయన అన్నారు.

బీఆర్ఎస్ హయాంలో మణుగూరు అభివృద్ధి కోసం తీసుకువచ్చిన నిధులు, ప్రారంభించిన పనులు, ప్రజలకు ఉపయోగపడే సౌకర్యాలు నేడు ఎందుకు నిర్లక్ష్యానికి గురవుతున్నాయని, మణుగూరు ప్రజలకు సమాధానం చెప్పాల్సిన బాధ్యత స్థానిక ఎమ్మెల్యేకు, మున్సిపల్ అధికారులకు ఉందని రేగా కాంతారావు అన్నారు.

ఈ సమస్యలన్నింటిపై ప్రభుత్వాన్ని, మున్సిపల్ అధికారులను నిలదీసేందుకు ఈ నెల 23వ తేదీన మణుగూరు మున్సిపల్ కార్యాలయం ముందు మహాధర్నా నిర్వహించనున్నట్లు తెలిపారు. కావున మణుగూరు పట్టణ బీఆర్ఎస్ పార్టీ నాయకులు, పట్టణ ప్రజలు, వ్యాపారస్తులు, ఉద్యోగులు, విద్యార్థులు, మేధావులు, స్థానిక యువకులు సహకరించవలసిందిగా విజ్ఞప్తి చేశారు.

ఈ కార్యక్రమాన్ని పార్టీ కార్యకర్తలు, నాయకులు పెద్ద సంఖ్యలో పాల్గొని మహాధర్నాను విజయవంతం చేయాలని పిలుపునిస్తున్నాను. మణుగూరు అభివృద్ధి కోసం.. ప్రజల సమస్యల పరిష్కారం కోసం.. ఈ పోరాటంలో అందరూ భాగస్వాములు కావాలని రేగా కాంతారావు, మాజీ ఎమ్మెల్యే, బీఆర్ఎస్ మాజీ జిల్లా అధ్యక్షుడు, భద్రాద్రి జిల్లా తరపున కోరుతున్నాను.