ఆసియా క్రీడలు 2026 మహిళల క్రికెట్లో పాకిస్థాన్ కాంస్య పతకం సాధించింది. నిషిన్లోని కొరోగి స్పోర్ట్స్ పార్క్లో జరిగిన మూడో స్థాన పోరులో బంగ్లాదేశ్ను 31 పరుగుల తేడాతో ఓడించింది. దీంతో ఆసియా క్రీడల మహిళల క్రికెట్ చరిత్రలో పాకిస్థాన్కు ఇది మూడో పతకంగా నిలిచింది.
టాస్ గెలిచి తొలుత బ్యాటింగ్ చేసిన పాకిస్థాన్ నిర్ణీత 20 ఓవర్లలో 8 వికెట్లకు 145 పరుగులు చేసింది. ఓపెనర్ గుల్ ఫెరోజా 23 బంతుల్లో 31 పరుగులు చేయగా.. కెప్టెన్ ఫాతిమా సనా కీలక ఇన్నింగ్స్ ఆడింది. ఏడో స్థానంలో బ్యాటింగ్కు వచ్చిన ఫాతిమా 30 బంతుల్లో 45 పరుగులు చేసింది. ఇందులో మూడు ఫోర్లు, మూడు సిక్సర్లు ఉన్నాయి. అలియా రియాజ్ 25 పరుగులతో ఆమెకు సహకరించింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఒక దశలో పాకిస్థాన్ 67 పరుగులకే ఐదు వికెట్లు కోల్పోయి ఇబ్బందుల్లో పడింది. అయితే ఫాతిమా సనా, అలియా రియాజ్ కలిసి 43 బంతుల్లో 67 పరుగుల భాగస్వామ్యంతో జట్టును పటిష్ట స్థితికి చేర్చారు. చివరి ఐదు ఓవర్లలో పాకిస్థాన్ 55 పరుగులు సాధించి బంగ్లాదేశ్ ముందు 146 పరుగుల లక్ష్యాన్ని ఉంచింది.
