జపాన్లోని నిషిన్లో జరిగిన ఆసియా క్రీడలు2026 పురుషుల క్రికెట్ కాంస్య పతక మ్యాచ్లో శ్రీలంక జట్టు బంగ్లాదేశ్పై 63 పరుగుల తేడాతో విజయం సాధించింది. ఈ విజయంతో శ్రీలంక కాంస్య పతకాన్ని కైవసం చేసుకుంది.
మూడో స్థానం కోసం జరిగిన ఈ పోరులో తొలుత బ్యాటింగ్ చేసిన శ్రీలంక 20 ఓవర్లలో 9 వికెట్ల నష్టానికి 165 పరుగులు చేసింది. శ్రీలంక ఇన్నింగ్స్ ఆరంభం పేలవంగా సాగింది. కేవలం 21 పరుగులకే నాలుగు వికెట్లు కోల్పోయింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అనంతరం కెప్టెన్ సహన్ అరచిగే 33 పరుగులు, థరిందు రత్నాయకే 32 బంతుల్లో 7 ఫోర్లు, 5 సిక్సర్లతో 65 పరుగులు చేసి ఇన్నింగ్స్ను చక్కదిద్దారు. వీరిద్దరూ కలిసి ఆరో వికెట్కు 93 పరుగుల కీలక భాగస్వామ్యం నెలకొల్పడంతో శ్రీలంక 165 పరుగుల పోటీతత్వ స్కోరు సాధించింది.
