ఆంధ్రప్రదేశ్లో పరిశోధన, సాంకేతికత, ఆవిష్కరణలను ప్రోత్సహించేందుకు పాన్ ఐఐటీ ఆంధ్రప్రదేశ్ సమ్మిట్ కీలక ముందడుగు వేసింది. ఈ సమ్మిట్లో పాన్ ఐఐటీ అమరావతి డిక్లరేషన్ విడుదల చేయడంతో పాటు, భవిష్యత్ సాంకేతిక రంగాల్లో స్టార్టప్లకు చేయూతనివ్వడానికి రూ.500 కోట్ల వెంచర్ ఫండ్ను ఏర్పాటు చేయనున్నట్లు ప్రకటించారు.
పాన్ ఐఐటీ ఆంధ్రప్రదేశ్ సమ్మిట్లో దేశంలోని ప్రముఖ మేధావులు, ఐఐటీ పూర్వ విద్యార్థులు, సాంకేతిక నిపుణులు, పరిశ్రమల ప్రతినిధులు విస్తృతంగా చర్చించారు. ఈ సమావేశం ద్వారా రాష్ట్ర అభివృద్ధికి ఐఐటీ వ్యవస్థ పరిజ్ఞానం, సాంకేతిక సామర్థ్యం, అంతర్జాతీయ నెట్వర్క్ను వినియోగించుకునేలా కార్యాచరణ ప్రణాళికను రూపొందించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సమ్మిట్లో పాన్ ఐఐటీ అమరావతి డిక్లరేషన్ను విడుదల చేశారు. ఆంధ్రప్రదేశ్లో పరిశోధన, సాంకేతికత, పారిశ్రామిక ఆవిష్కరణలను ప్రోత్సహించేందుకు ఈ ప్రకటనలో భవిష్యత్ కార్యాచరణ మార్గదర్శకాలను పొందుపరిచారు. దేశంలోని ఐఐటీలతో పాటు ప్రపంచవ్యాప్తంగా ఉన్న ఐఐటీ పూర్వ విద్యార్థుల నైపుణ్యం, అనుభవం, పెట్టుబడులు, పరిశోధనా సామర్థ్యాలను రాష్ట్రానికి అనుసంధానం చేయడమే ప్రధాన లక్ష్యంగా పేర్కొన్నారు.
