రాష్ట్రంలో ప్రజా తీర్పుతో స్వేచ్ఛాయుతంగా జరగాల్సిన ఎన్నికలు కలెక్షన్స్, సెలక్షన్, నో ఎలక్షన్ పద్ధతిలో జరుగుతున్నాయని వైఎస్ఆర్సీపీ రాష్ట్ర ప్రధాన కార్యదర్శి, మాజీ ఎమ్మెల్యే గడికోట శ్రీకాంత్ రెడ్డి విమర్శించారు. రాయచోటిలోని వైఎస్ఆర్సీపీ కార్యాలయంలో మంగళవారం ఆయన విలేకరుల సమావేశం నిర్వహించారు.
ఈ సందర్భంగా ఆయన మాట్లాడుతూ నామినేషన్ వేయాలంటే భయం, వేసిన నామినేషన్ నిలుపుకోవాలంటే భయం, ప్రచారం చేయాలంటే భయం, పోలింగ్, కౌంటింగ్ అంటే భయం నెలకొందని, ప్రజాస్వామ్యాన్ని పూర్తిగా లేకుండా చేశారని ఆరోపించారు. మాజీ ముఖ్యమంత్రి ఓటు వేసేందుకు వెళ్తున్న హెలికాప్టర్ ను చివరి నిమిషంలో గాల్లోనే నిలిపివేసి కుట్ర చేశారని అన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
80 పోలింగ్ బూత్ లు ఉంటే 70 బూత్ ల్లోకి టీడీపీ గుండాలను అనుమతించలేదని, అధికారులు కళ్లకు గంతలు కట్టుకుని నిలబడ్డారని విమర్శించారు. కడప, ప్రొద్దుటూరు, రాయచోటి, పుంగనూరు ఎన్నికలు ప్రజాస్వామ్యానికి మచ్చ తెచ్చేలా జరిగాయని అన్నారు. ప్రతిపక్ష , అభ్యర్థులనే కాదు ఓటర్లను కూడా భయభ్రాంతులకు గురి చేశారన్నారు.
