జిల్లాలో ఎంపీటీసీ, జెడ్పీటీసీ ఓట్ల లెక్కింపు: ఏర్పాట్లు పూర్తి

ప్రతి కౌంటింగ్ హాల్ లో సీసీ కెమెరాలు ఏర్పాటు చేశామని, ఏజెంట్ల కోసం ప్రత్యేక బారికేడింగ్ చేశామని తెలిపారు. అనుమతి పొందిన ఏజెంట్లను మాత్రమే లోపలికి అనుమతిస్తామని, అభ్యర్థి లేదా వారి ఏజెంట్లలో ఒకరికి మాత్రమే ఆర్ఓ టేబుల్ వద్దకు అనుమతి ఉంటుందని స్పష్టం చేశారు.

, చంద్రగిరి నియోజకవర్గాలతో పాటు నగరి నియోజకవర్గ పరిధిలోని పుత్తూరు, వడమాలపేట మండలాలకు సంబంధించిన ఓట్ల లెక్కింపు లోని గోవిందరాజస్వామి కళాశాలలో జరుగుతుందని తెలిపారు. మధ్యాహ్న భోజన సమయానికి ఎంపీటీసీ ఫలితాలు, సాయంత్రం 6 నుంచి 7 గంటలలోపు జెడ్పీటీసీ ఫలితాలు వెల్లడించేలా ప్రణాళిక చేశామన్నారు.

మీడియాకు ప్రత్యేక ఏర్పాట్లు

మీడియాకు ప్రత్యేక ఏర్పాట్లు చేశామని, ఎప్పటికప్పుడు ఫలితాల సమాచారం కోసం స్క్రీన్, సమాచార షీట్లు ఉంటాయని తెలిపారు. జిల్లా ఎస్పీ ఎల్. సుబ్బరాయుడు మాట్లాడుతూ కౌంటింగ్ కేంద్రాల వద్ద పటిష్ట పోలీసు బందోబస్తు ఏర్పాటు చేశామని తెలిపారు. గుర్తింపు కార్డులు ఉన్నవారిని మాత్రమే లోపలికి అనుమతిస్తామని, కేంద్రాల పరిసరాల్లో వాహనాల రాకపోకలపై నియంత్రణ ఉంటుందని చెప్పారు.

ఫలితాల అనంతరం కూడా ఎలాంటి అవాంఛనీయ ఘటనలు జరగకుండా పోలీసులు అప్రమత్తంగా ఉంటారని ఎస్పీ తెలిపారు. కౌంటింగ్ ప్రక్రియ సజావుగా సాగేందుకు అన్ని చర్యలు తీసుకుంటున్నట్లు అధికారులు వెల్లడించారు.