భారత నౌకాదళం తన సముద్ర రక్షణ సామర్థ్యాన్ని మరింత బలోపేతం చేసుకుంది. జలాంతర్గాములను గుర్తించి, వాటి నుంచి ఎదురయ్యే ముప్పులను ఎదుర్కొనే లక్ష్యంతో రూపొందించిన ఐఎన్ఎస్ మంగ్రోల్ యుద్ధనౌకను న నౌకాదళంలోకి ప్రవేశపెట్టారు. కొచ్చిన్ షిప్యార్డ్ లిమిటెడ్ నిర్మించిన ఈ నౌక తీర ప్రాంతాలు, తక్కువ లోతు ఉన్న సముద్ర జలాల్లో కార్యకలాపాలు నిర్వహించేందుకు ప్రత్యేకంగా రూపొందించారు.
ముంబైలోని నౌకాదళ డాక్యార్డ్లో జరిగిన కార్యక్రమంలో పశ్చిమ నౌకాదళ కమాండ్ అధిపతి వైస్ అడ్మిరల్ సంజయ్ వత్సాయన్ అధ్యక్షత వహించారు. సముద్ర తీర ప్రాంతాల్లో శత్రు జలాంతర్గాముల కదలికలను గుర్తించడం, వాటిని పర్యవేక్షించడం, అవసరమైనప్పుడు ఎదుర్కోవడం ఐఎన్ఎస్ మంగ్రోల్ ప్రధాన విధి. పెద్ద యుద్ధనౌకలు సులభంగా పనిచేయలేని తక్కువ లోతు ప్రాంతాల్లోనూ ఈ నౌక సమర్థంగా పనిచేయగలదు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
జలాంతర్గాముల వేటలో కీలక పాత్ర
నౌకాశ్రయాలు, సముద్ర మార్గాలు, తీర ప్రాంతాల భద్రతకు ఈ నౌక ఉపయోగపడనుంది. ఇందులో జలాంతర్గాముల కదలికలను గుర్తించే అభయ్ హల్-మౌంటెడ్ సోనార్ వ్యవస్థను ఏర్పాటు చేశారు. తేలికపాటి టార్పెడోలు, స్వదేశీ జలాంతర్గామి వ్యతిరేక రాకెట్ ప్రయోగ వ్యవస్థ, మారీచ్ టార్పెడో మోసపూరిత లక్ష్య వ్యవస్థ కూడా ఉన్నాయి.
