తిరుపతిలో వరుసగా జరుగుతున్న ద్విచక్ర వాహనాల చోరీ కేసులను పోలీసులు ఛేదించారు. వాహన దొంగతనాలకు పాల్పడుతున్న ముగ్గురిని అరెస్ట్ చేసి, వారి నుంచి 24 చోరీకి గురైన ద్విచక్ర వాహనాలను స్వాధీనం చేసుకున్నారు. ఈ వాహనాల విలువ సుమారు రూ.25 లక్షలు ఉంటుందని పోలీసులు తెలిపారు.
ఈ కేసు దర్యాప్తులో అంతర్రాష్ట్ర వాహన చోరీ ముఠా కార్యకలాపాలపై పోలీసులు దృష్టి సారించారు. పోలీసుల వివరాల ప్రకారం, అరెస్టయిన వారిని అరెడ్డుల వినోద్ కుమార్ (32), చెర్లోపల్లి గోవిందరాజులు (34), గోవిందస్వామి మురళి (30)గా గుర్తించారు. వీరికి గతంలోనూ వాహన చోరీలు, ఇతర నేరాలకు సంబంధించిన కేసులు ఉన్నట్లు పోలీసులు పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
వినోద్ కుమార్పై 21 కేసులు, గోవిందరాజులుపై 14 కేసులు, మురళిపై 17 కేసులు ఉన్నట్లు అధికారులు వెల్లడించారు. జిల్లాలోనూ వీరిపై మరికొన్ని కేసులు ఉన్నట్లు తెలిపారు. తిరుపతి నగరంలోని వివిధ ప్రాంతాల్లో వరుసగా ద్విచక్ర వాహనాలు చోరీ అవుతున్నాయంటూ ఫిర్యాదులు అందడంతో తిరుపతి వెస్ట్ పోలీసులు దర్యాప్తు ప్రారంభించారు.
