దేశ రాజధానిలోని జంతర్ మంతర్ వద్ద నిరసనకు వెళ్లిన కాక్రోచ్ జనతా పార్టీ (సీజేపీ) నేతలు సౌరవ్ దాస్, ఆశుతోష్ రంకాను ఢిల్లీ పోలీసులు అదుపులోకి తీసుకున్నారు. పార్టీ వ్యవస్థాపకుడు అభిజీత్ దీప్కేతో పాటు మరికొందరు కార్యకర్తలను కూడా పోలీసులు అదుపులోకి తీసుకున్నట్లు సమాచారం.
జంతర్ మంతర్లో నిరసనలకు అనుమతి లేకుండానే సీజేపీ కార్యకర్తలు అక్కడికి చేరుకునేందుకు ప్రయత్నించారు. పార్టీ వ్యవస్థాపకుడు అభిజీత్ దీప్కే సామాజిక మాధ్యమంలో పంచుకున్న వీడియోలో కార్యకర్తలు గేటు దాటి లోపలికి వెళ్లడం, జాతీయ జెండాలు పట్టుకుని నినాదాలు చేయడం కనిపించింది. అనంతరం పోలీసులు వారిని అడ్డుకుని అదుపులోకి తీసుకున్నట్లు వార్తా కథనాలు వెల్లడించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
నిరసనను నిషేధించలేరు.. దీప్కే వ్యాఖ్యలు
సీజేపీ వ్యవస్థాపకుడు అభిజీత్ దీప్కే ఈ చర్యపై స్పందిస్తూ, నిరసనను నిషేధించలేరు అని వ్యాఖ్యానించారు. తమ పార్టీ నేతలు, కార్యకర్తలను పోలీసులు అదుపులోకి తీసుకున్నారని సామాజిక మాధ్యమంలో పేర్కొన్నారు. ఈ ఘటనపై ఆయన తీవ్రంగా స్పందించారు.
