కాకతీయ విశ్వవిద్యాలయంలో విద్యార్థులు ఎదుర్కొంటున్న సమస్యల పరిష్కారం కోరుతూ అఖిల భారతీయ విద్యార్థి పరిషత్ (ఏబీవీపీ) ఆధ్వర్యంలో 48 గంటల నిరసన దీక్ష ప్రారంభమైంది. హనుమకొండలోని కేయూ ఎస్డీఎల్సీఈ ప్రాంగణంలో బుధవారం మొదలైన ఈ దీక్షకు సేవ్ కాకతీయ యూనివర్సిటీ అని పేరు పెట్టారు.
ఫీజులు, ఉపకార వేతనాలు, స్వయం ఆర్థిక కోర్సులు, అధ్యాపకుల పోస్టులు, మౌలిక వసతులు వంటి పలు అంశాలపై విద్యార్థి సంఘం ప్రధానంగా దృష్టి సారించింది. ప్రభుత్వ విశ్వవిద్యాలయానికి ప్రభుత్వం నిధులు అందిస్తున్నప్పటికీ విద్యార్థులపై ఫీజుల భారం ఎందుకు కొనసాగుతోందని ఏబీవీపీ రాష్ట్ర కార్యదర్శి మాచర్ల రాంబాబు ప్రశ్నించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రభుత్వ ఫీజు రీయింబర్స్మెంట్కు అనుగుణంగా కాకుండా విద్యార్థుల నుంచి అదనపు మొత్తాలు వసూలు చేస్తున్నారనే ఆరోపణలపై విశ్వవిద్యాలయ యాజమాన్యం స్పష్టత ఇవ్వాలని ఆయన డిమాండ్ చేశారు. విద్యార్థులకు అందాల్సిన ఉపకార వేతనాలు, స్వయం ఆర్థిక కోర్సుల నిర్వహణ, ఖాళీగా ఉన్న అధ్యాపక పోస్టుల భర్తీ, మౌలిక వసతుల అభివృద్ధి వంటి అంశాలపై దృష్టి పెట్టాలని నిరసనకారులు కోరారు.
