కర్ణాటకలోని కలబురగి విమానాశ్రయం సమీపంలో మంగళవారం సాయంత్రం ఒక శిక్షణ విమానం అత్యవసరంగా వ్యవసాయ పొలంలో ల్యాండింగ్ అయింది. ఈ ఘటనలో విమానంలో ఉన్న శిక్షకుడు, శిక్షణ పొందుతున్న పైలట్ ఇద్దరూ సురక్షితంగా బయటపడ్డారు. ఎలాంటి ప్రాణనష్టం జరగలేదని పోలీసులు తెలిపారు.
మంగళవారం సాయంత్రం సుమారు 5.40 గంటలకు పాలా గ్రామ పరిధిలో ఈ ఘటన చోటుచేసుకుంది. విమానాశ్రయ ప్రాంతంలో ఉన్న ఓ ప్రైవేట్ విమాన శిక్షణ సంస్థకు చెందిన రెండు సీట్ల విమానం సాధారణ శిక్షణలో భాగంగా గాల్లో ప్రయాణిస్తుండగా సాంకేతిక సమస్య తలెత్తినట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పరిస్థితిని గుర్తించిన సిబ్బంది వెంటనే అప్రమత్తమై విమానాన్ని నియంత్రించి, సమీపంలోని వ్యవసాయ భూమిలో సురక్షితంగా దించారు. విమానం కందులు పండిస్తున్న వ్యవసాయ పొలంలో దిగింది.
