బిహార్లోని దిఘ్వారాకు చెందిన 19 ఏళ్ల శుభమ్ కుమార్ ప్రముఖ మొబైల్ గేమ్ క్యాండీ క్రష్ సాగాలో 22,222వ లెవల్ను పూర్తి చేసి అరుదైన ఘనత సాధించాడు. ఈ ఘనతకు అంతర్జాతీయ బుక్ ఆఫ్ రికార్డ్స్ గుర్తింపు లభించింది. టీనేజర్ విభాగంలో అత్యధిక లెవల్ సాధించిన వ్యక్తిగా శుభమ్ రికార్డులకెక్కాడు.
సాధారణంగా కాలక్షేపం కోసం ఆడే మొబైల్ గేమ్లో బిహార్కు చెందిన 19 ఏళ్ల యువకుడు అరుదైన ఘనత సాధించాడు. దిఘ్వారా ప్రాంతానికి చెందిన శుభమ్ కుమార్ ప్రముఖ పజిల్ గేమ్ క్యాండీ క్రష్ సాగాలో ఏకంగా 22,222వ లెవల్ను చేరుకున్నాడు. ఈ విజయానికి అంతర్జాతీయ బుక్ ఆఫ్ రికార్డ్స్ గుర్తింపు లభించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
క్యాండీ క్రష్ సాగా అనేది ఒక పజిల్ ఆధారిత మొబైల్ గేమ్. ఇందులో ఒకే రంగుకు చెందిన క్యాండీలను కలిపి నిర్దిష్ట లక్ష్యాలను పూర్తి చేయాల్సి ఉంటుంది. ఆట ముందుకు సాగుతున్న కొద్దీ కొత్త అడ్డంకులు, క్లిష్టమైన లక్ష్యాలు, పరిమిత కదలికలతో కూడిన దశలు ఎదురవుతాయి. దీంతో వేల సంఖ్యలో లెవల్స్ను వరుసగా పూర్తి చేయడం సవాలుగా మారుతుంది.
