బెంగళూరుకు చెందిన రియల్ ఎస్టేట్ సంస్థ ఓజోన్ అర్బానా ఇన్ఫ్రా డెవలపర్స్ ప్రమోటర్, ఛైర్మన్-కమ్-మేనేజింగ్ డైరెక్టర్ ఎస్. వాసుదేవన్ను ఎన్ఫోర్స్మెంట్ డైరెక్టరేట్ (ఈడీ) అరెస్ట్ చేసింది. గృహ కొనుగోలుదారుల నుంచి సేకరించిన సుమారు రూ.927.22 కోట్ల నిధులను మళ్లించినట్లు వచ్చిన ఆరోపణలపై ఈ అరెస్ట్ జరిగింది.
ఈ కేసులో వాసుదేవన్ను బెంగళూరులోని ప్రత్యేక పీఎంఎల్ఏ కోర్టు ముందు హాజరుపరచగా, తదుపరి దర్యాప్తు కోసం 14 రోజుల ఈడీ కస్టడీకి అనుమతించింది. బెంగళూరులోని పలు పోలీస్ స్టేషన్లలో నమోదైన కేసులు, అలాగే సుప్రీంకోర్టు ఆదేశాల మేరకు సీబీఐ నమోదు చేసిన కేసు ఆధారంగా ఈడీ దర్యాప్తు చేపట్టింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఓజోన్ అర్బానా సంస్థ ఫ్లాట్ల నిర్మాణం పూర్తయ్యే వరకు ప్రీ-కన్స్ట్రక్షన్ ఈఎంఐలను తామే చెల్లిస్తామని కొనుగోలుదారులను ఆకర్షించినట్లు ఆరోపణలున్నాయి. అయితే ప్రాజెక్టులు పూర్తికాకపోవడంతో అనేక మంది కొనుగోలుదారులకు ఫ్లాట్ల స్వాధీనం ఇవ్వలేదని, వారు చెల్లించిన మొత్తాలను కూడా తిరిగి చెల్లించలేదని దర్యాప్తు సంస్థ పేర్కొంది.
