ఆంధ్రప్రదేశ్ ఉప ముఖ్యమంత్రి, జనసేన పార్టీ అధ్యక్షుడు పవన్ కళ్యాణ్ చేబ్రోలులోని శ్రీ సీతారామ స్వామి ఆలయాన్ని దర్శించుకున్నారు. ఆలయానికి చేరుకున్న ఆయనకు అర్చకులు, సిబ్బంది సంప్రదాయ పద్ధతిలో స్వాగతం పలికారు. అనంతరం స్వామివారిని దర్శించుకుని ప్రత్యేక పూజలు నిర్వహించారు.
ఆలయ ప్రాంగణంలో భక్తి శ్రద్ధలతో పూజా కార్యక్రమాలు జరిగాయి. పవన్ కళ్యాణ్ స్వామివారికి ప్రత్యేక పూజలు నిర్వహించి, తీర్థప్రసాదాలు స్వీకరించారు. ఆలయ దర్శనానికి సంబంధించిన ఫోటోలు ప్రస్తుతం సామాజిక మాధ్యమాల్లో వైరల్గా మారాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
చేబ్రోలు శ్రీ సీతారామ స్వామి ఆలయ అభివృద్ధికి ప్రభుత్వం చర్యలు చేపట్టిన విషయం తెలిసిందే. గతంలో పవన్ కళ్యాణ్ పిఠాపురం నియోజకవర్గంలో పర్యటించిన సమయంలో, రూ.48 లక్షల వ్యయంతో చేబ్రోలు సీతారామ స్వామి ఆలయ మండపం నిర్మాణానికి శంకుస్థాపన చేశారు.
