పురుషుల ఆసియా ఛాంపియన్స్ ట్రోఫీ 2026లో భారత హాకీ జట్టు తన విజయపరంపరను కొనసాగించింది. శుక్రవారం జలంధర్లోని ఒలింపియన్ సుర్జీత్ సింగ్ హాకీ స్టేడియంలో జరిగిన మ్యాచ్లో జపాన్పై 41 తేడాతో విజయం సాధించింది. ఈ విజయంతో భారత్ వరుసగా మూడో మ్యాచ్లోనూ గెలిచి, టోర్నీలో అజేయంగా నిలిచింది.
డిఫెండింగ్ ఛాంపియన్గా భారత్ సెమీఫైనల్ బెర్త్ను ఖరారు చేసుకుంది. భారత స్ట్రైకర్ అభిషేక్ నైన్ రెండు గోల్స్ సాధించి జట్టు విజయంలో కీలక పాత్ర పోషించాడు. తన కెరీర్లో 150వ అంతర్జాతీయ మ్యాచ్ ఆడుతున్న సందర్భంగా ఈ ఘనత సాధించడం విశేషం. 11వ నిమిషంలో అభిషేక్ తొలి గోల్ చేశాడు. 47వ నిమిషంలో కెప్టెన్ హర్మన్ప్రీత్ సింగ్ పెనాల్టీ కార్నర్ను గోల్గా మలిచాడు. 51వ నిమిషంలో అభిషేక్ రెండో గోల్ సాధించాడు. 56వ నిమిషంలో విష్ణుకాంత్ సింగ్ అద్భుతమైన వ్యక్తిగత ప్రదర్శనతో నాలుగో గోల్ చేశాడు. జపాన్ తరఫున షోటా యమడ 15వ నిమిషంలో పెనాల్టీ స్ట్రోక్ ద్వారా ఏకైక గోల్ సాధించాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మ్యాచ్ ప్రారంభం నుంచే జపాన్ భారత జట్టుకు గట్టి పోటీ ఇచ్చింది. 11వ నిమిషంలో సుఖ్జీత్ సింగ్ అందించిన పాస్ను అభిషేక్ నైన్ గోల్గా మలిచి భారత్కు ఆధిక్యం అందించాడు. అయితే, తొలి క్వార్టర్ ముగిసే సమయంలో జపాన్కు పెనాల్టీ స్ట్రోక్ లభించింది. దాన్ని షోటా యమడ గోల్గా మార్చడంతో స్కోరు 11గా సమమైంది. రెండో, మూడో క్వార్టర్లలో ఇరు జట్లు గోల్ సాధించలేకపోయాయి. జపాన్ రక్షణాత్మకంగా ఆడుతూ భారత దాడులను సమర్థంగా అడ్డుకుంది. చివరి క్వార్టర్లో భారత ఆటగాళ్లు దూకుడు పెంచారు. 47వ నిమిషంలో లభించిన పెనాల్టీ కార్నర్ను కెప్టెన్ హర్మన్ప్రీత్ సింగ్ శక్తివంతమైన డ్రాగ్ ఫ్లిక్తో గోల్గా మార్చాడు. ఆ తర్వాత 51వ నిమిషంలో అభిషేక్ మరో గోల్ సాధించి భారత్ ఆధిక్యాన్ని 31కు పెంచాడు. 56వ నిమిషంలో హర్మన్ప్రీత్ అందించిన అద్భుతమైన ఏరియల్ పాస్ను అందుకున్న విష్ణుకాంత్ సింగ్ ప్రత్యర్థి గోల్పోస్ట్లోకి బంతిని పంపి విజయాన్ని ఖరారు చేశాడు.
