హర్యానాకు చెందిన యువ టెన్నిస్ క్రీడాకారిణి ఖుషీ కడియన్ న్యూఢిల్లీలో జరిగిన 31వ ఫెనెస్టా ఓపెన్ జాతీయ టెన్నిస్ ఛాంపియన్షిప్లో అద్భుత ప్రదర్శన కనబరిచింది. బాలికల అండర్-16 డబుల్స్తో పాటు అండర్-16, అండర్-14 సింగిల్స్ విభాగాల్లోనూ విజేతగా నిలిచి హ్యాట్రిక్ సాధించింది.
అండర్-14 విభాగంలోనూ టైటిల్
అండర్-16 ఫైనల్ అనంతరం కోర్టులోకి తిరిగి అడుగుపెట్టిన ఖుషీ, అండర్-14 సింగిల్స్ ఫైనల్లో రెండో సీడ్ సిద్ధి పాండేతో పోటీపడింది. ఈ మ్యాచ్లో 6-3, 6-2తో గెలిచి మరో టైటిల్ను తన ఖాతాలో వేసుకుంది. సుమారు గంటా 16 నిమిషాల్లోనే మ్యాచ్ను ముగించి తన ప్రతిభను చాటింది. అంతకుముందు అండర్-16 డబుల్స్ టైటిల్ గెలుచుకోవడంతో ఒకే టోర్నీలో మూడు టైటిళ్లు సాధించిన క్రీడాకారిణిగా నిలిచింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
విజయాలపై ఖుషీ స్పందన
ఈ విజయాలపై ఖుషీ ఆనందం వ్యక్తం చేసింది. ఒకే వారంలో వరుసగా 15 మ్యాచ్లు ఆడటం తనకు పెద్ద పరీక్షగా నిలిచిందని, కష్టపడి సాధన చేయడం వల్లే ఈ విజయాలు సాధ్యమయ్యాయని తెలిపింది. తన తల్లిదండ్రులు, కోచ్లు నిరంతరం ప్రోత్సహించడం తనకు ఎంతో బలాన్నిచ్చిందని పేర్కొంది. గతంలో అండర్-12 జాతీయ టోర్నీలో గాయపడటంతో టైటిల్ సాధించలేకపోయానని, ఈసారి జాతీయ ఛాంపియన్షిప్లో విజయం సాధించడం ప్రత్యేకమైన అనుభూతినిచ్చిందని వివరించింది.
