బాల్కొండ డబుల్ బెడ్ రూమ్ ల పంపిణీలో అవకతవకలు: ప్రజల ఆరోపణలు

శనివారం నాడు దరఖాస్తు చేసుకున్న అభ్యర్థులు నిజామాబాద్ అదనపు కలెక్టర్ ను ఆర్మూర్ లో కలిసి, ఆర్మూర్ సబ్ కలెక్టర్ కు వినతి పత్రం సమర్పించారు. బాల్కొండలో డబుల్ బెడ్ రూముల పంపిణీలో జరిగిన అవకతవకల గురించి వివరించారు. లబ్ధిదారుల్లో వ్యవసాయ భూములు, ఒక్కొక్కరికి రెండు ఇళ్లు ఉన్నవారు కూడా ఉన్నారని తెలిపారు.

బాల్కొండలో రెండో విడుత డబుల్ బెడ్ రూముల లక్కీ డ్రా జాబితాను బుధవారం సాయంత్రం రద్దు చేసినట్లు తెలిసింది. అయితే, స్థానిక నాయకులు గ్రామ పంచాయతీలో కూర్చుని మరో జాబితాను తయారు చేశారని, ఆ జాబితానే రాత్రి 10 గంటలకు ఎంపిక ఎలా చేశారని జిల్లా మానవ హక్కుల కౌన్సిల్ ప్రదీప్ కుమార్, నర్సింగ్ రావు ప్రశ్నించారు. దీనిపై వారు కూడా వినతి పత్రాలు సమర్పించారు.

రెండో విడుత డబుల్ బెడ్ రూము అనర్హుల జాబితా, ఆన్లైన్ నంబర్లు ఉన్న 99 మంది లబ్ధిదారుల పేర్లను మండల అభివృద్ధి అధికారి ద్వారా తహసిల్దార్ బాల్కొండకు అందజేశారు. జాబితాలో క్రమ సంఖ్య 01 నుండి 54 వరకు ఇంటి నంబర్లు ఉండగా, 01 నుండి 55 నుండి 99 వరకు ఇంటి నంబర్లు ఎందుకు చూపలేదని ప్రజలు ఆరోపిస్తున్నారు.

ఆన్లైన్ వ్యవహారంలో అనర్హుల జాబితాలో ఆన్లైన్ నంబర్ లేకుండానే సీరియల్ నంబర్ 1 నుండి 407 వరకు ఇంటి నంబర్లు ఉన్నాయని, కానీ 408 నుండి 987 వరకు ఆన్లైన్ నంబర్లు ఇచ్చి, ఇంటి నంబర్లు ఇవ్వలేదని ప్రజలు ఆరోపిస్తున్నారు. ప్రజా పాలనలో దరఖాస్తు చేసుకున్న అభ్యర్థులకు ఆన్లైన్ లో నమోదు కాకుండా చేయడం ఏమిటని వారు ప్రశ్నించారు.

ఈ విషయమై రోజున జిల్లా కలెక్టర్ కు ఫిర్యాదు చేశారు. బాల్కొండలో డబుల్ బెడ్ రూమ్ ఎంపికలు రాత్రి 10:08 గంటలకు ప్రారంభమయ్యాయి. వేదికకు ముందే చేరుకున్న లబ్ధిదారులు, వీరి వెంట లబ్ధిదారుల పేర్లను సిఫారసు చేసిన పెద్దలు కూడా రావడం విశేషం.

డబుల్ బెడ్ రూముల ఎంపికల్లో ఆర్థికంగా, వ్యవసాయ భూములు, ఇల్లు ఉన్నవారికే ఇచ్చారని, పైగా ముస్లిం మైనారిటీలు, బీసీల కోటాలో ఇల్లు వచ్చాయని, మళ్లీ ముస్లిం మైనారిటీల కోటాలోనే కూడా డబుల్ బెడ్ రూములు ఇచ్చారని ప్రజలు ప్రశ్నిస్తున్నారు.

మరో విచిత్రం ఏమంటే, ఆర్మూర్ నుండి 3 నెలల క్రితం వచ్చిన వారికి, ప్రభుత్వ ప్రాథమిక పాఠశాలలో పనిచేసే వారికి, వ్యవసాయ భూములు, ఇళ్లతో పాటు ఆర్థికంగా బాగున్న వారికి, మరో ఇద్దరు ఇళ్ల యజమానుల బంధుత్వానికి, ప్రైవేట్ ప్రాక్టీస్ డాక్టర్ కుటుంబీకులకు, రాజకీయ నాయకుల రక్త సంబంధీకులకు డబుల్ బెడ్ రూములు ఎలా వచ్చాయని ప్రజలు ప్రశ్నిస్తున్నారు.

డబుల్ బెడ్ రూములు రాని దరఖాస్తుదారులు ఈ విషయాలపై ఆరోపణలు చేస్తున్నారు. ఈ అవకతవకలపై జిల్లా కలెక్టర్ కు ఫిర్యాదు చేసినట్లు తెలిపారు.

ఈ వ్యవహారంపై పూర్తి విచారణ జరిపి, అర్హులైన వారికే డబుల్ బెడ్ రూములు అందేలా చూడాలని బాధితులు కోరుతున్నారు.