5 రోజుల పనిదినాలు కల్పించాలి

బ్యాంకు ఉద్యోగులకు వెంటనే ఐదు రోజుల పనిదినాల జీవోను విడుదల చేయాలని డిమాండ్ చేస్తూ జిల్లా బద్వేల్ టౌన్ మైదుకూరు రోడ్డులోని స్టేట్ బ్యాంక్ మెయిన్ బ్రాంచ్ వద్ద సిబ్బంది గురువారం మెరుపు ధర్నా చేపట్టారు. ​ఈ సందర్భంగా ఉద్యోగులు మాట్లాడుతూ.. ఇతర దేశాల్లో ఉన్నట్లే మన దేశంలో కూడా బ్యాంకుల్లో ఐదు రోజుల పని విధానాన్ని వెంటనే అమలు చేయాలన్నారు. నిరంతరం ఆర్థిక లావాదేవీలు మరియు తీవ్ర పని ఒత్తిడితో సతమతమవుతున్న సిబ్బందికి దీనివల్ల కాస్త ఉపశమనం, తగిన విశ్రాంతి లభిస్తాయని ఆకాంక్షించారు. ప్రభుత్వం తక్షణమే స్పందించి ఈ డిమాండ్‌ను పరిష్కరించాలని, లేనిపక్షంలో పోరాటాన్ని ఉధృతం చేస్తామని హెచ్చరించారు. ఈ కార్యక్రమంలో పలువురు బ్యాంకు ఉద్యోగులు పాల్గొన్నారు.